کیا بھٹو زندہ ہے فیک نیوز نہیں ہے، عامر لیاقت

پاکستان تحریک انصاف کے رکن قومی اسمبلی ڈاکٹرعامر لیاقت حسین کا کہنا ہے کہ کیا فیک نیوز کے قانون کے تحت اگر بلاول بھٹو زرداری کہیں کہ بھٹو زندہ ہے تو کیا انھیں بھی پانچ برس کے لیے جیل بھجوادیا جائے گا؟۔

سماجی رابطوں کی ویب سائٹ ٹوئٹر پر اپنے پیغام میں پاکستان تحریک انصاف کے رکن قومی اسمبلی ڈاکٹر عامر لیاقت حسین پیکا اور الیکشن ایکٹ میں ترمیم کے آرڈننس جاری کرنے پر اپنے ردعمل میں کہا ہے کہ جعلی خبروں پر پانچ سال تک کی قیدکی سزا کا فیصلہ کیا گیا ہے کہ تو کیا اگر بلاول بھٹو زرداری فرمائیں کہ “بھٹو زندہ ہے”  تو کیا انہیں بھی پانچ برس کے لیے جیل بھجوادیا جائے گا ؟ کیا بھٹو زندہ ہےفیک نیوز نہیں؟

یہ بھی پڑھیئے

طوبیٰ انور کو عامر لیاقت کے بعد والدین کی یاد ستانے لگی

عامر لیاقت کو شب عروسی منانے کی فرصت نہ ملی

“بھٹو زندہ ہے” اگر @BBhuttoZardari زرداری فرمائیں تو کیا انہیں بھی پانچ برس کے لیے جیل بھجوادیا جائے گا ؟ کیا بھٹو زندہ ہےفیک نیوز نہیں؟ pic.twitter.com/jdMgvlxJGt

— Aamir Liaquat Husain (@AamirLiaquat) February 23, 2022

واضح رہے کہ   وفاقی وزیرِ قانون  کی جانب سے پیکا اور الیکشن ایکٹ میں ترمیم کے آرڈننس جاری  کرنے کر نے کے بعد میڈیا سے گفتگو کرتے ہوئے وزیر قانون  فروغ نسیم نے کہا کہ میڈیا تنقید کرنا چاہتا ہے تو بالکل کرے، لیکن فیک نیوز نہیں ہونی چاہیے، کچھ لوگ ملک میں ہیجانی کیفیت پیدا کرنا چاہتے ہیں، فیک نیوز کا قلع قمع کرنے کے لیے یہ بہت ضروری ہے، آرڈیننس سے متعلق 2 سال کی جگہ 5 سال کی سزا ہو گی۔

فروغ نسیم نے بتایا کہ 6 مہینے میں ٹرائل مکمل ہو گا، 6 مہینے میں ٹرائل مکمل نہیں ہوتا تو ہائی کورٹ متعلقہ جج سے وضاحت لے سکے گی، جج ہائی کورٹ کو مطمئن نہ کر سکا تو اس کے خلاف بھی ایکشن ہوگا، پیکا آرڈیننس کی ڈرافٹنگ میں نے کی ہے، الیکشن ایکٹ والا آرڈیننس بابر اعوان نے بنایا ہے۔