رمیز راجہ کا توصیف احمد کے لیے طبی امداد کا مطالبہ
رمیز راجہ نے پاکستان کرکٹ بورڈ پر زور دیا ہے کہ موجودہ اور سابقہ کھلاڑیوں کے لیے بھی ہیلتھ انشورنس کا بندوبست کیا جائے۔
پاکستان کے سابق کرکٹر توصیف احمد کو دل کا دورہ پڑنے کے باعث لاہور کے نجی اسپتال میں داخل کرایا گیا تھا جس کے بعد سابق کرکٹر اور کمنٹیٹر رمیز راجہ نے حکام سے کھلاڑیوں کے لیے ہیلتھ انشورنس کا انتظام کرنے کا مطالبہ کیا ہے۔
پاکستان کرکٹ ٹیم کے سابق کھلاڑی توصیف احمد چند روز قبل ہی ایک شادی میں شرکت کے لیے کراچی سے لاہور گئے تھے جہاں انہیں دل کا دورہ پڑا تھا۔ نجی اسپتال کے چیف ایگزیکٹو آفیسر (سی ای او) ڈاکٹر صابر ملک نے بتایا کہ ’سابق کرکٹر دمے کے مریض تھے اور ڈاکٹروں نے تقریباً 3 سال قبل ان کے جسم میں اسٹنٹ بھی داخل کیا تھا۔‘
انہوں نے کہا کہ ’توصیف احمد کو انجیو پلاسٹی یا بائی پاس آپریشن کرنے کی ضرورت نہیں ہے تاہم کھلاڑی کے لیے آئندہ چند گھنٹے تشویشناک ہیں۔‘
شعبہ کھیل کے صحافی فیضان لاکھانی نے توصیف احمد کے لیے دعائیہ ٹوئٹ کیا ہے۔
Prayers for former test cricketer Tauseef Ahmed who is admitted in hospital after suffering heart attack.
— Faizan Lakhani (@faizanlakhani) March 14, 2021
جس کے جواب میں پاکستانی کرکٹ ٹیم کے سابق کپتان سرفراز احمد نے توصیف احمد کی صحت سے متعلق تفصیلات شیئر کیں۔
Allah ka shukar hai now he is fine alhumdulliah 🤲🤲
— Sarfaraz Ahmed (@SarfarazA_54) March 14, 2021
اس کے علاوہ پاکستانی کرکٹ کے کمنٹیٹر رمیز راجہ نے توصیف احمد کی صحتیابی کی خواہش کا اظہار کیا ہے اور ان کے علاج کے مالی پہلو پر بھی روشنی ڈالی ہے۔
Best wishes and speedy recovery to Tauseef Ahmed as he recovers in ICU after suffering a heart attack. Was wondering if PCB has plans of issuing health card/ insurance for current and ex-players?
— Ramiz Raja (@iramizraja) March 15, 2021
رمیز راجہ نے پاکستان کرکٹ بورڈ (پی سی بی) پر زور دیا ہے کہ وہ موجودہ اور سابقہ کھلاڑیوں کے لیے بھی ہیلتھ انشورنس کا بندوبست کریں جنہوں نے ملک کی خدمت کی ہے اور وقار حاصل کیا ہے۔
یہ بھی پڑھیے
رمیز راجہ کی کرکٹ کے بعد سیاست پر کمنٹری
رمیز راجہ کی اس ٹوئٹ کے بعد انڈین کرکٹ ٹیم کے کمنٹیٹر اور صحافی ہرشا بھوگلے نے اس دور کی طرف اشارہ کیا ہے جب کھیلوں کا شعبہ مالی طور پر مستحکم نہیں تھا۔
Especially for players of an era when there wasn’t a lot of money in the game
— Harsha Bhogle (@bhogleharsha) March 15, 2021
رمیز راجہ نے جواب میں ہرشا بھوگلے کے نقطہ نظر کی حمایت کی ہے۔
Absolutely!
— Ramiz Raja (@iramizraja) March 15, 2021
اس کے علاوہ کرکٹ کے مصنف براڈکاسٹر چندریش نارائنن نے بھی سابق پاکستانی کھلاڑی کی جلد صحتیابی کی خواہش کا اظہار کیا ہے۔
Praying for the quick recovery of former Pakistan off-spinner #TauseefAhmed, hope he is fit and fine soon #cricket
— Chandresh Narayanan (@chand2579) March 15, 2021
توصیف احمد نے پاکستان کے لیے 1980 سے 1993 کے درمیان 34 ٹیسٹ میچز اور 70 ون ڈے انٹرنیشنل کرکٹ میچز کھیلے ہیں۔
