سیاست سے کھیل کے میدان تک لاڑکانہ کے نوجوان چھاگئے

کھیل اور سیاست کا ساتھ بہت پرانا ہے، گزشتہ روز لاڑکانہ سے تعلق رکھنے والے سیاستدان بلاول بھٹو زرداری پارلیمنٹ میں زبردست تقریر کرنے پر اور فاسٹ بالر شاہ نواز دھانی پاکستان سپر لیگ (پی ایس ایل) کے میچ میں بہترین کارکردگی دکھانے پر ٹی وی اسکرینز پر چھائے رہے۔

نوجوانوں کو کسی بھی ملک کا مستقبل کہا جاتا ہے اور اگر یہ مستقبل روشن دکھائی دے تو اس سے اچھی کیا بات ہوسکتی ہے۔ گزشتہ روز لاڑکانہ کے دو نوجوانوں نے سیاست اور کھیل کے میدان میں اعلیٰ کارکردگی کا مظاہرہ کرکے عوام کی خوب داد وصول کی۔

پی ایس ایل کی ٹیم ملتان سلطانز کے کھلاڑی شاہ نواز دھانی نے کل میچ میں اپنی شاندار پرفارمنس سے لاہور قلندرز کے چھکے چھڑا دیئے۔ شاہ نواز دھانی میچ میں چار کھلاڑیوں کو آؤٹ کرکے ابوظہبی پی ایس ایل سیزن 6 کے اب تک کہ سب سے زیادہ وکٹیں حاصل کرنے والے کھلاڑی بن گئے۔ یہاں یہ بات قابل ذکر ہے کہ نوجوان فاسٹ بالر کی وکٹوں کی تعداد 17 ہوگئی ہے۔

Alhamdullah! Feeling very happy for Fazal Mahmood highest wicket taker psl2021 Purple Cap, will fight for it till end to keep it on my head. Thank you all my coaches and team members for supporting me. And thank you all my Fans! @MultanSultans pic.twitter.com/YNAAToyqVx

— Shahnawaz Dahani (@ShahnawazDahani) June 18, 2021

یہ بھی پڑھیے

بلاول ہاؤس میں آگ پر وفاقی حکومت کے فائر ٹینڈر نے قابو پایا

اسی طرح پاکستان کی پہلی وزیر اعظم بننے والی خاتون بے نظیر بھٹو کے صاحبزادے بلاول بھٹو زرداری نے بھی کل سب کو بتادیا کہ سیاست میں ان کا کیئریر کتنا روشن ہے۔

لائیو: پاکستان پیپلزپارٹی کے چیئرمین بلاول بھٹو زرداری قومی اسمبلی کے بجٹ سیشن سے خطاب کررہے ہیں https://t.co/YBO5R5NIIq

— PPP (@MediaCellPPP) June 18, 2021

چیئرمین پاکستان پیپلزپارٹی بلاول بھٹو زرداری نے قومی اسمبلی کے بجٹ سیشن میں دھواں دار تقریر کی جس کے چرچے کل پورے دن ٹی وی چینلز اور سوشل میڈیا پر ہوتے رہے۔