پی ایس ایل 8 کا میلہ سجنے میں 4 دن باقی، شائقین کا جوش جگانے کیلیے پرومو جاری
جو ہر پاکستان کے دل پر چھاجاتے ہیں، یہ سب ستارے ہمارے ہیں، پرومو میں پاکستان کے سب سے بڑے اور کامیاب اسپورٹس ایونٹ کو اپنانے کا پیغام
ایچ بی ایل پی ایس ایل 8 کا میلہ سجنے میں صرف 4 دن باقی ہیں ۔ایونٹ کے منتظمین نے شائقین کا جوش جگانے کیلیے زبردست پرومو جاری کردیا۔
ایچ بی ایل پی ایس ایل 8 کاآغاز 13 فروری سے ملتان میں ہونے جارہا ہے۔پہلے میچ میں میزبان ملتان سلطان اور دفاعی چیمپئن لاہور قلندرز کی ٹیمیں مدمقابل ہوں گی۔
یہ بھی پڑھیے
پی ایس ایل 8 کا نغمہ کون کون سے گلوکار گائیں گے؟ نام سامنے آگئے
پی ایس ایل 8 کیلیے کمنٹیٹرز اور میچ آفیشلز کا اعلان، ایرن ہالینڈ پرجوش
پی ایس ایل کے ٹوئٹر ہینڈل پر جاری کیے گئے پرومو میں پاکستان کے سب سے کامیاب اسپورٹس ایونٹ کو اپنانے کاپیغام دیا گیا ہے۔پرومو کے ساتھ کیپشن میں لکھاگیا ہے کہ جو ہر پاکستان کے دل پر چھاجاتے ہیں، یہ سب ستارے ہمارے ہیں، اپنے ستاروں کو 5 دن میں ایکشن میں دیکھیں۔
𝘑𝘰 𝘩𝘢𝘳 𝘗𝘢𝘬𝘪𝘴𝘵𝘢𝘯𝘪 𝘬𝘦 𝘥𝘪𝘭 𝘱𝘦 𝘤𝘩𝘢 𝘫𝘢𝘵𝘢𝘺 𝘩𝘢𝘪𝘯, 𝘺𝘦 𝘴𝘢𝘣 𝘴𝘪𝘵𝘢𝘳𝘢𝘺 𝘩𝘶𝘮𝘢𝘳𝘢𝘺 𝘩𝘢𝘪𝘯
See your 𝘴𝘪𝘵𝘢𝘳𝘢𝘺 in action in 5️⃣ days!🌟#HBLPSL8 #SabSitarayHumaray pic.twitter.com/eo6NtSLMec
— PakistanSuperLeague (@thePSLt20) February 8, 2023
اس سے قبل پی ایس ایل کےمنتظمین نے اس سال کا ترانہ گانے والے گلوکاروں کے نام جاری کیے تھے۔رواں سال ایچ بی ایل پی ایس ایل کے ترانے میں گلوکار عاصم اظہر، شے گل، فارس شفیع اور عبداللہ صدیقی اپنی آواز کا جادو جگائیں گے جبکہ تبصرہ نگاروں اور میچ آفیشلز کے نام بھی جاری کیے جاچکے ہیں۔
