چین کے 2 ارب ڈالر قرض کے رول اوور ہونے کی تاحال باضابطہ تصدیق نہیں ہوئی
کامرس جرنلسٹ خرم حسین نے صحافی شہباز رانا کے حوالے سے دعویٰ کیا کہ چینی بینک کے 2 ارب ڈالر کا قرضہ اب تک رول اوور نہیں ہوا تاہم رپورٹر مہتاب حیدر نے کہا کہ اسحاق ڈار نے اس کی تصدیق کی تھی
چین کے بینک نے پاکستان پر واجب ادا 2 ارب ڈالر کے قرض کو رول اوور کرنے کی باضابطہ تصدیق نہیں کی جبکہ حکومت نے بھی اس حوالے سے کوئی پریس ریلیز جاری کی ہے ۔
وزیر خزانہ اسحاق ڈآر نے 5 روز قبل دعویٰ کیا تھا کہ چینی بینک نے 2 ارب ڈالر کا قرضہ رول اوور کردیا ہے تاہم چینی بینک نے تاحال اس کی باضابطہ تصدیق نہیں کی ہے ۔
یہ بھی پڑھیے
کامرس جرنلسٹ خرم حسین نے اپنے ٹوئٹر ہینڈل سے ایک پیغام میں بتایا کہ پانچ روز گزرنے کے بعد بھی 2 بلین ڈالر کے چینی رول اوور کے بارے میں کوئی اطلاع نہیں ہے۔
Five days since it's maturity, there is still no news on that Chinese rollover of $2 billion.#JustSaying
— Khurram Husain (@KhurramHusain) March 28, 2023
خرم حسین کے ٹوئٹ کے جواب میں خبر بریک کرنے والے دی نیوز کے صحافی مہتاب حیدر نے انہیں بتایا کہ 2 ارب ڈالر قرض کے رول اوور ہونے کی تصدیق وزیر خزانہ نے کی تھی۔
Sir I quoted Fin Min on this where he confirmed that it’s done
— Mehtab Haider (@haider_mehtab) March 28, 2023
مہتاب حیدر کو جواب دیتے ہوئے خرم حسین نے کہا کہ بلکل ایسا ہی ہے مگر صحافی شہباز رانا نے رپورٹ کیا ہے کہ رول اوور ابھی بھی طریقہ کار طے کرنے کی وجہ سے تاخیر کا شکار ہے ۔
Yes, but next day @81ShahbazRana's report said the rollover is still stuck in "procedural delay" and has not yet happened. Possible FinMin gave you a premature "yes"?https://t.co/lID6gEcmWM
— Khurram Husain (@KhurramHusain) March 28, 2023
انہوں نے کہا کہ ہو سکتا ہے کہ وزیر خزانہ اسحاق ڈار نے ممکنہ طور پر قبل از وقت بتادیا ہو کہ چینی بینک نے 2 ارب ڈالر کا واجب ادا قرضہ رول اوور کر رہا ہے ۔
یاد رہے کہ پانچ روز قبل وزارت خزانہ کے حوالے سے خبریں سامنے آئیں تھی کہ چینی بینک نے پاکستان پر واجب ادا 2 ارب ڈالر کا قرضہ رول اوور کردیا ہے ۔ وزارت خزانہ نے بتایا تھا کہ چین نے 2 ارب ڈالر کے سیف ڈپازٹ کی واپسی ایک سال کے لیے مؤخر کی ہے۔
