پاکستان کے غیر ملکی زرمبادلہ کے ذخائر 10 ارب ڈالر کی سطح عبور کرگئے

پاکستان کے غیر ملکی زرمبادلہ کے ذخائر 10 ارب ڈالر کی سطح عبور کرگئے۔ اسٹیٹ بینک پاکستان(ایس بی پی) کے ذخائر30 ملین ڈالر اضافے سے 4 ارب 46 کروڑ ڈالر ہوگئے ہیں ۔

مرکزی بینک کے اعداد و شمار کے مطابق اسٹیٹ بینک کے پاس غیر ملکی ذخائر 4,462 ملین  جبکہ کمرشل بینکوں کے پاس موجود خالص غیرملکی ذخائر 5,561ملین امریکی ڈالر ہیں۔

یہ بھی پڑھیے

ڈیبٹ سسٹین ایبلٹی اینالیسس رپورٹ نے ملکی معیشت اور عوام کیلئے خطرے کی گھنٹی بجادی

جمعرات کو جاری کردہ اعداد و شمار سے ظاہرہوتا ہے کہ اسٹیٹ بینک کے پاس موجود زرمبادلہ کے ذخائر میں 30 ملین ڈالر کا اضافہ ہوا، جو 21 اپریل تک 4.46 بلین ڈالر تک پہنچ گیا۔

Total liquid foreign #reserves held by the country stood at US$ 10.02 billion as of April 20, 2023.
For details https://t.co/WpSgomnKT3 pic.twitter.com/rPr2dVh4Z9

— SBP (@StateBank_Pak) April 27, 2023

اسٹیٹ بینک پاکستان(ایس بی پی) کے مطابق 20 اپریل کو ختم ہونے والے ہفتے کے دوران مرکزی بینک کے زرمبادلہ 30 ملین ڈالر اضافہ ہوا جوکہ 4ہزار462 ملین ڈالر ہوگئے ہیں۔

اس سے قبل وزیر خزانہ اسحاق ڈار نے انڈسٹریل اینڈ کمرشل بینک آف چائنا لمیٹڈ (ICBC) سے 300 ملین ڈالر کی وصولی کی اطلاع دی جو کہ تین ادائیگیوں میں سے آخری تھی۔

پاکستان کو  مجموعی طور پر  چینی اداروں سے 2 ارب ڈالر موصول ہوئے ہیں جس میں چائنا ڈویلپمنٹ بینک سے 700 ملین ڈالر اور آئی سی بی سی کے ایک اعشاریہ 3 ارب ڈالر شامل ہیں۔

چین نے گرتے ہوئے ڈالر کے ذخائر کو مزید مدد فراہم کرتے ہوئے 2 بلین ڈالر کا قرضہ بھی دیا ہے۔غیر ملکی کرنسی کے ذخائر کی کمی  سے  معیشت پر پڑنے والا  دباؤ  بھی کم ہوتا جا رہا ہے ۔