عمران خان کا ترک صدر اور عوام کو فوجی بغاوت ناکام بنانے پر خراج تحسین
عمران خان نے ترک یوم جمہوریت پر صدر طیب اردگان اور عوام کو 15 جولائی 2016 میں فوجی بغاوت ناکام بنانے کی سالگرہ پر مبارکباد پیش کی
پاکستان تحریک انصاف کے سربراہ سابق وزیراعظم عمران خان نے ترک صدر رجب طیب اردگان اور ترکی کی عوام کو فوجی بغاوت ناکام بنانے کی کوششوں پر مبارکباد دی ہے ۔
مائیکروبلاگنگ سائٹ ٹوئٹرپرسابق وزیراعظم عمران خان نے اپنے ایک پیغام میں ترکی کے یوم جمہوریت پر صدررجب طیب اردگان اور ترک عوام کو 15 جولائی 2016 میں فوجی بغاوت ناکام بنانے کی سالگرہ پر مبارکباد پیش کی ۔
یہ بھی پڑھیے
وزیراعظم کا دورہ: معاشی طور پر بدحال ترکی پاکستان کی کیا مدد کرپائے گا؟
پی ٹی آئی چیئرمین عمران خان نے اپنے پیغام میں کہا کہ 15 جولائی 2016 اس دن کی یاد دلاتا ہے جب رجب طیب اردگان نے اہل ترکیہ کی مدد سے اپنے حکومت کے خلاف ہونے والی فوجی بغاوت ناکام بنائی۔
I extend my congratulations to President Erdogan & the people of Turkiye on Democracy & National Unity Day of Turkiye (Demokrasi ve Milli Birlik Günü). 15 July 2016 commemorates the day President Erdogan with the support of the Turkish people defeated attempted coup against him.
— Imran Khan (@ImranKhanPTI) July 15, 2022
تحریک انصاف کے سربراہ نے کہا کہ یومِ جمہوریت اور قومی اتحاد کے موقع پر میں صدر طیب اردگان اور ترکیہ کے عوام کو دلی مبارکباد پیش کرتا ہوں۔
خیال رہے کہ 6 سال قبل 15 جولائی کی شب ترک فوج کے باغی دستوں نے صدر رجب طیب اردگان کی حکومت کا تختہ پلٹ کر اقتدارپر قبضہ کرنے کی کوشش کی تھی تاہم ترک عوام نے فوجی بغاوت ناکام بنادی تھی ۔
باغی فوجیوں نے دعویٰ کیا تھا کہ ہماری کارروائی کا مقصد ملک میں آئینی و جمہوری انسانی حقوق کی بحالی ہے اور جمہوری قدروں کو استحکام بخشنے کے لیے ہم اقتدار حاصل کرنا چاہتے ہیں۔
ناکام فوجی بغاوت میں کرنل درجے کے افسران شامل تھے جنہوں نے ترک فوج کے سربراہ جنرل خلوصی آکار سمیت متعدد اعلیٰ فوجی افسران کو یرغمال بنالیا تھا تاہم رجب طیب کے حامی فوجیوں اور عوام نے ملکر بغاوت ناکام بنادی تھی ۔
مسلح فوجی بغاوت کے نتیجے میں 194 افراد ہلاک ہوئے تھے جن میں سے 94 سے زائد باغی فوجی شامل تھے۔ اس واقعے کے بعد 25 کرنل اور 5 جنرلز کو عہدوں سے فارغ کرکے سزائیں دی گئیں تھیں۔
