آئی ایم ایف رواں سال پاکستان کو 4 ارب ڈالر فراہم کرے گا، مفتاح اسماعیل

وفاقی وزیرخزانہ مفتاح اسماعیل کا کہنا ہے کہ پاکستان دیوالیہ نہیں ہوگا۔ امداد فراہم کرنے والے اور دوست ممالک کی مکمل حمایت حاصل ہے۔ رواں مالی سال آئی ایم ایف پاکستان کو4 ارب ڈالر دے گا۔

وزیر خزانہ ڈاکٹر مفتاح اسماعیل نے میڈیا نمائندوں سے گفتگو میں کہا کہ رواں مالی سال عالمی مالیاتی ادارہ (آئی ایم ایف ) 4 ارب ڈالر فراہم کرے گا جبکہ دیگر دوست ممالک کی بھی مکمل حمایت حاصل ہے۔ پاکستان کسی صورت پاکستان دیوالیہ نہیں ہوگا۔

یہ بھی پڑھیے

 پاکستان میں کسی بھی حکومت سے مذاکرات کرسکتے ہیں، آئی ایم ایف

وفاقی وزیر خزانہ نے کہا کہ آئی ایم ایف کے ساتھ  قرض پروگرام طے ہوچکا ہے اب عالمی بینک اور ایشیائی ترقیاتی بینک بھی فنڈز دیںگے جبکہ سعودی عرب کی جانب سے اچھی خبریں جلد آجائیں گی ۔

مفتاح اسماعیل کا کہنا تھا کہ وزیراعظم شہباز شریف نے ریاست کو سیاست پر ترجیح دی۔ آئی ایم ایف کی شرائط پر مشکل فیصلے کیے۔ ان کی شرائط پر پٹرولیم مصنوعات کی قیمتیں بڑھائی۔ آئی ایم ایف کی جو شرائط تھی وہ مان لی گئی ہیں اب آئی ایم ایف راضی ہوگیا ہے۔

لیگی رہنما نے کہا کہ آئی ایم ایف کا وعدہ ہے پاکستان کو معاشی میدان میں گرنے نہیں دیا جائے گا۔ اگست میں ایگزیکٹو بورڈ کی منظوری کے بعد آئی ایم ایف سے پیسے ریلیز ہوجائیں گے۔ جلد ہی عالمی بنک، ایشیائی ترقیاتی بنک اور مالیاتی ادارے بھی پاکستان کو فنڈز دیں گے۔

یہ بھی پڑھیے

مفتاح اسماعیل مانیں یا نہ مانیں پاکستان ڈیفالٹ کرسکتا ہے

وفاقی وزیرخزانہ کے مطابق بیرونی ادائیگیوں اور درآمدی بل میں اضافہ کی وجہ سے پاکستانی کرنسی پر دباؤ ہے  جبکہ عمران خان کے بیانات  بھی  روپے کی بے قدری کا سبب بنا۔ ملک پر قرضوں کے بوجھ کے باعث معاشی میدان میں مشکلات کا سامنا ہے۔

مفتاح اسماعل نے بتایا کہ رواں ماہ کے دوران ابھی تک درآمدی بل 2.60 ارب ڈالر ریکارڈ ہوا جس کے باعث روپیہ پر پریشر میں کمی ہو گی۔ گزشتہ ماہ کی نسبت کرنٹ اکاؤنٹس خسارہ دو ارب ڈالر سے کم ہو کر ایک ارب ڈالر رہ جائے گا۔