میٹا نے فلسطینیوں کے واٹس ایپ اکاؤنٹ ڈیلیٹ کرنا شروع کردیئے

مارک زکربرگ کی کمپنی میٹا نے فلسطینیوں کے واٹس ایپ اکاؤنٹ ڈیلیٹ کرنا شروع کردیئے ہیں۔ میٹا کی جانب سے فلسطینی سماجی کارکنان، صحافیوں، سرکاری ترجمانوں اور عوامی شخصیات کے اکاؤنٹ ڈیلیٹ کردیئے  ہیں۔

فلسطینی بیوروکریٹ اور مصنف  جلال ابوخاطرنے سماجی رابطے کی سائٹ ٹوئٹر پراپنے پیغام میں کہا ہے کہ میٹا کی زیرملکیت  واٹس ایپ نے متعدد فلسطینی صحافیوں، سرکاری ترجمانوں، سماجی کارکنوں اور عوام شخصیات کے اکاؤنٹ ڈیلیٹ کردیئے ہیں۔

یہ بھی پڑھیے

فلسطینی کاز کی حمایت پر کام سے ہاتھ دھونے کا خوف نہیں، بیلا حدید

جلال ابوخاطرنے کہا کہ ہم حقیقی اور ورچوئل زندگی میں سخت دباؤ کا سامان کررہے ہیں تاہم اسے نظر انداز کرنا انتہائی سنگین ہوگا۔ فلسطینیوں  کے سوشل میڈیا اکاؤنٹس کی کڑی جانچ پڑتال کی جاتی ہے ۔

🚨 purge: @WhatsApp is now the latest app owned by @Meta to conduct a purge of accounts owned by 🇵🇸Palestinian journalists, activists, public figures, official spokespersons, and other Palestinian voices.

We are suppressed in real life & virtual – this is too serious to ignore⚠️ pic.twitter.com/1LrVlQIAiP

— Jalal (@JalalAK_jojo) September 5, 2022

انہوں نے مارک زکر برگ  کو مخاطب کرتے ہوئے کہا کہ یہ ایک حقیقی مسئلہ ہے کہ فلسطینیوں کے سوشل میڈیا اکاؤنٹس  کو ڈیلیٹ کیا جارہا ہے جبکہ نجی اکاؤنٹس کے مواد کو بھی انتہائی حد تک کنٹرول کیا جارہا ہے ۔

فلسطینی مصنف کا کہناتھا کہ ہمارے اکاؤنٹ ڈیلیٹ کرنے میں اسرائیل ملوث ہے لیکن اس حوالے سے اپنے طورپرکچھ نہیں کہہ سکتا مگر ایسے امکانات موجود ہیں ۔

یہ بھی پڑھیے

فلسطینی طالبہ کا امریکی وزیرخارجہ سے مصافحے سے انکار

جلال ابوخاطر کا کہنا تھا کہ فلسطینیوں کو سگنل اور ٹیلیگرام کے استعمال کا مشورہ دیتے ہوئے کہا کہ فیس بک، واٹس ایپ، انسٹا گرام سمیت میٹا کے  دیگر سوشل نیٹ ورک پر انحصار کم کیا جائے ۔

انہوں نے کہا کہ فلسطینیوں کو میٹا پلیٹ فارمز پر کم سے کم انحصار کی سفارش کرتے ہیں تاہم یہ ایک حقیقت ہے کہ میٹا پلیٹ فارمز مقبولیت سے انکار نہیں کیا جاسکتا ہے ۔