اسٹیبلشمنٹ ایک حقیقت تھی عمران خان ایک حقیقت ہے، فواد چوہدری

پاکستان تحریک انصاف کے سینئر رہنما اور سابق وفاقی وزیر فواد چوہدری نے کہا ہے کہ ملک میں پہلے اسٹیبلشمنٹ ایک حقیقت تھی اب عمران خان بھی ایک حقیقت ہے۔ ان کا کہنا ہے اگر کوئی یہ سمجھتا ہے کہ وہ عمران خان کے بغیر پاکستان کو چلا سکتا ہے تو وہ اپنا اور ملک کو نقصان کرے گا۔

پی ٹی آئی کے سینئر رہنما فواد چوہدری کا کہنا ہے کہ آرمی کی نئی کمان آنے کے بعد فرق پڑا ہے ، اب نامعلوم نمبر سے کالز نہیں آرہی ہیں ، میڈیا پر بھی عمران خان کو بلاک نہیں کیا جارہا۔ پی ٹی آئی اسٹیبلشمنٹ کے ساتھ بنا کر رکھنا چاہتی ہے۔

یہ بھی پڑھیے

اسٹیبلشمنٹ سے کوئی رابطہ نہیں ، عمران خان

استعفوں کا معاملہ: عمران خان نے پی ٹی آئی ایم این ایز کا اجلاس 28 دسمبر کو طلب کرلیا

نجی ٹی وی چینل سے گفتگو کرتے ہوئے فواد چوہدری کا کہنا تھا کہ عمران خان ایک حقیقت ہے جو نظرانداز کرے گا اپنا اور ملک کا نقصان کرے گا۔ کوئی ڈبل گیم کرے یا ٹرپل ، اسمبلی تو توڑنا پڑے گی ، اگر اسمبلی نہ توڑی تو ہم اس میں نہیں ہوں گے۔

اسٹیبلشمنٹ حقیقت ہے تو اب عمران خان بھی ایک حقیقت ہیں۔اور جو سمجھتا ہے خان کو نظر انداز کرلے گاتو وہ ملک کا اور اپنا نقصان کرے گا۔فوج اور عدلیہ سیاسی جماعت کا نہیں عوام کا ساتھ دےجنرل عاصم کے آنے سے فرق پڑا ہےاب میڈیا بلاک نہیں۔ایم پی ایز نے کہا ہے کہ کالز آرہی۔ فواد چوہدری۔ 1/3 pic.twitter.com/FLQYeP2NLH

— Naeem Ashraf Butt (@NaeemAshrafBut2) December 26, 2022

نجی ٹی وی چینل کے ہیڈ آف انویسٹی گیٹو نیوز کے سوال پر فواد چوہدری کا کہنا تھا کہ پاکستان میں اسٹیبلشمنٹ کا ایک رول ہے ، پاکستان میں اسٹیبلشمنٹ ایک حقیقت تھی اب عمران خان بھی ایک حقیقت ہے۔ فوج اور عدلیہ پیپلز پارٹی یا مسلم لیگ ن کی نہیں ہے۔ یہ پاکستان کے لوگوں کو جواب دہ ہیں۔ ان اداروں کو لوگوں کے ساتھ رہنا چاہیے۔

ایک سوال کے جواب میں فواد چوہدری کا کہنا تھا کہ نواز شریف کبھی بھی اتنی بڑی شخصیت نہیں بنے ان کی شخصیت محدود تھی۔ مزے کی بات یہ ہے کہ جب سے جنرل عاصم منیر نے فوج کی کمان سنبھالی ہے ، نامعلوم نمبروں سے کالز آنا بند ہو گئی ہے۔

جنرل باجوہ کو کہا آپ نہیں کرسکتےانہوں نے کہامیں ساتھ ہوں پھر بعد میں بھی کہا آپکا تو فائدہ ہوگیاآپ مقبول ہوگئے انتخابات ہوں گے۔یہ کہتے رہےدوسری طرف سب کچھ ہوتارہا۔سفیر نے کہا ہمارے پارلیمنٹرینز اب یہاں آکر PMسے تصویر نہیں بنواتے کیونکہ اوور سیز پاکستانی پسند نہیں کرتے.فواد چوہدری pic.twitter.com/R0viRPj3k8

— Naeem Ashraf Butt (@NaeemAshrafBut2) December 26, 2022

ایک اور سوال کے جواب میں رہنما تحریک انصاف فواد چوہدری کا کہنا تھا کہ جنرل باجوہ نے ہمیشہ کہتے تھے ہم آپ کے ساتھ ہیں ، حکومت جانے کے بعد بھی انہوں نے کہا ہم آپ کے ساتھ ہیں، آپ لوگوں کو تو میرا شکریہ ادا کرنا چاہیے کیونکہ آپ لوگ تو بالکل فارغ ہو گئے تھے ، اب تو آپ لوگ دوبارہ پاپولر ہو گئے ہیں۔ انہوں نے کہا کہ انتخابات ہونے دیں ، فری اینڈ فیئر انتخابات ہوں گے۔

اب اسٹیبلشمنٹ کے پاس دو چوائسز ہیں۔حقیقت کو مانیں اور اشتراک کریں یا لڑائی کریں۔کمیونیکشن گیپ سے غلط معلومات دی جارہی ہیں۔3دفعہباجوہ صاحب& ڈی جی آئی کو کہا گیاڈی نوٹیفائی کا۔ اب یہ جو ریکارڈنگ کا کام شروع ہوگیا۔اصطلاح سے ہٹ کر تو بات یہی لگے گی کہ کوئی سازش کررہا ہے۔ فواد چوہدری pic.twitter.com/VNwsjHINys

— Naeem Ashraf Butt (@NaeemAshrafBut2) December 26, 2022

پس پردہ رابطوں کے سوال پر فواد چوہدری کا کہنا تھا کہ پس پردہ رابطوں میں کوئی بریک تھرو نہیں ہوا ، اس کی بنیادی وجہ یہ ہے انہوں نے انتخابات نہیں کروانے ، ان کی حکمت عملی بڑی احمکانہ ہے ، ان کی حکمت عملی یہ ہے کہ عمران خان کو ڈس کوالیفائی کراؤ ، پھر کریمنل کیسز بنائے جائیں اور ایک سال تک انتخابات کو تاخیر شکار کردیں اور انتخابات کو اگلے سال تک لے جائیں۔

فواد چوہدری کا کہنا تھا حکمران یہ سمجھتے ہیں کہ انتخابات ڈیلے کرنے سے یہ دوبارہ کھویا ہوا مقام حاصل کرلیں گے۔ پاکستان کی اکانومی اب ان سے نہیں سنبھلے گی۔