نون لیگی رہنما عظمیٰ بخاری کی پارٹی کے سوشل میڈیا ہیڈ پر تنقید
پاکستان مسلم لیگ نون کے سوشل میڈیا ونگ کے سربراہ عاطف رؤف نے ٹوئٹر ہینڈل سے پارٹی کارکنوں کو پیغام دیا کہ لیگی سوشل میڈیا ٹیم کا حصہ بننے کے لیے اپنا نمبر انبکس کریں جس پر عظمیٰ بخاری نے انہیں کہا کہ پہلے انبکس تو کھول لیں
![Muslim League-N Uzma Bukhari, Party, social media, head, criticism, مسلم لیگ ن، عظمیٰ بخاری، پارٹی، سوشل میڈیا، ہیڈ، تنقید،](https://news360.tv/wp-content/uploads/2023/02/uzma-bhukhari.jpg)
پاکستان مسلم لیگ نون (پی ایم ایل این) کے سوشل میڈیا ونگ کے سربراہ عاطف رؤف کو اپنی پارٹی رہنما عظمیٰ بخاری کی جانب سے تنقید کا سامنا کرنا پڑگیا۔
مسلم لیگ نون کے سوشل میڈیا ونگ کے سربراہ عاطف رؤف نے ٹوئٹر ہینڈل سے لیگی کارکنوں کو پیغام دیا کہ پی ایم ایل این کی سوشل میڈیا ٹیم کا حصہ بنیں ۔
یہ بھی پڑھیے
نواز شریف اور مریم کی ہدایات پر عمران خان کی گرفتاری کیلئے پولیس کی مشقیں جاری
عاطف رؤف نے لیگی کارکنوں سے کہا کہ آپ سب اپنا اپنا موبائل نمبر مجھے ان بلس کردیں تاکہ آپ سب کو بھی سوشل میڈیا ٹیم کا حصہ بنالیا جائے ۔
مسلم لیگ ن سوشل میڈیا ٹرینڈ ٹیم کا حصہ بنیں اپنا موبائل نمبر مجھے Inbox کر دیں
آئیں مل کر قائد محمد نوازشریف اور مریم نوازشریف کی آواز بنیں ان کا ساتھ دیں شکریہ
— Atif Rauf (@Atifrauf79) February 7, 2023
لیگی سوشل میڈیا ونگ کے سربراہ نے کہا کہ پارٹی کارکنوں کو کہا کہ آئیں مل کر قائد محمد نوازشریف اور مریم نوازشریف کی آواز بنیں ان کا ساتھ دیں۔
تاہم دلچسپ صورتحال اس وقت پیدا ہوئی جب مسلم لیگ نون پنجاب کی سیکرٹری اطلاعات ،سابق رکن صوبائی اسمبلی عظمیٰ بخاری نے انہیں تنقید کا نشانہ بنا دیا ۔
نون لیگ کی سابق رکن پنجاب اسمبلی عظمی بخاری نے عاطف رؤف کی ٹوئٹ کو ریٹوئٹ کرتے ہوئے کہا کہ پہلے آپ اپنا ان بکس تو کھولیں جوکہ مسلسل بند آرہا ہے ۔
آپکا انباکس بند ہے،اسکو کھول لیں پلیز
— Azma Zahid Bokhari (@AzmaBokhariPMLN) February 7, 2023
ایک ٹوئٹر صارف نے عظمیٰ بخاری کو مخاطب کرتے ہوئے کہا کہ میڈم اسی بات سے آپ اپنی سوشل میڈیا ٹیم کے ویژن کا اندازہ لگا سکتی ہیں۔ یہ سوشل میڈیا ہیڈ ہے۔
میڈیم اسی بات سے آپ اپنی سوشل میڈیا ٹیم کے ویژن کا اندازہ لگا سکتی ہیں۔ کوئی عام ورکر نہیں سوشل میڈیا ہیڈ ہے
— 🍁Sardar Wajid Mustafa🦅 (@kashmirijewel) February 7, 2023
ایک نون لیگی کارکن نے عظمی بخاری کو مخاطب کیا اور کہا کہ عاطف رؤف کا ان بکس کھلا ہوتا ہے تاہم کبھی کبھار ٹوئٹر کی وجہ سے کوئی مسئلہ درپیش ہوسکتا ہے ۔