پیپلز پارٹی کو ن لیگ کے ‘باپ’ سے متعلق تشویش

 پاکستان میں حزب اختلاف کی جماعتوں کے اتحاد پاکستان ڈیموکریٹک موومنٹ (پی ڈی ایم) سے علیحدگی کے بعد پاکستان پیپلز پارٹی کو لیگی رہنماؤں کے ‘باپ’ سے متعلق تشویش ہونے لگی ہے۔

سینیٹ میں قائد حزب اختلاف بننے کے لیے پیپلز پارٹی کے رہنما یوسف رضا گیلانی نے بلوچستان عوامی پارٹی (باپ) کے ووٹس کی مدد لی لیکن اب (ن) لیگی رہنماؤں کی ایک کے بعد ایک ضمانتوں پر پیپلز پارٹی تشویش کا شکار ہے اور ریلیف دیئے جانے کے پس پردہ ‘باپ’ کی تلاش میں ہے۔ اس حوالے سے بالواسطہ طور پر سوشل میڈیا پر پوسٹس شیئر کی جارہی ہیں۔

سماجی رابطوں کی ویب سائٹ ٹوئٹر پر ایک صارف نے شہبازشریف، حمزہ شہباز، مریم نواز اور نواز شریف کا نام گنواتے ہوئے لکھا کہ ان تمام کو یا تو ضمانتیں مل چکی ہیں یا وہ لندن میں پرآسائش زندگی بسر کررہے ہیں۔ صارف نے ذومعنی انداز اپناتے ہوئے سوال کیا کہ (ن) لیگ کا ‘باپ’ آخر کون ہے جو انہیں اتنا ریلیف مل رہا ہے؟

Hamza Sharif – Bailed
Maryam Nawaz – Pre Arrest Bail
Shahbaz Sharif – Bailed
Nawaz Sharif – London Luxuries

Inka BAP kon hai jo relief milgaya?

— Fatah (@fatah_pak) April 14, 2021

یہ بھی پڑھیے

مریم نواز کی گرفتاری جب بھی ہو گی 10 دن کے وقفے سے ہو گی

پیپلز پارٹی کی رہنما شازیہ مری نے اپنے ٹوئٹر پیغام میں لکھا کہ پیپلز پارٹی کے قومی اسمبلی میں سابق قائد حزب اختلاف خورشید شاہ کی ضمانت کے لیے تقریباً 2 سال سے انتظار کررہی ہے۔ پارٹی پر ڈیل کا الزام عائد کیا گیا لیکن انصاف اب تک نہیں ملا۔ خوشی ہے کہ (ن) لیگ کو عدالت سے ریلیف مل گیا۔ پہلے مریم نواز اور اب میاں شہباز شریف کی ضمانت ہوگئی۔

Waiting for the bail of our party colleague and former opposition leader @S_KhursheedShah since almost 2 years now.PPP gets accused of deal but doesn’t even get justice!

We are happy to see that N league is getting relief from courts.First Maryam Nawaz &now Mian Shehbaz Sharif. https://t.co/PWKzBRF55l

— Shazia Atta Marri (@ShaziaAttaMarri) April 14, 2021

واضح رہے کہ لاہور ہائی کورٹ نے آمدن سے زائد اثاثہ جات کیس میں شہباز شریف کی ضمانت منظور کرتے ہوئے 50،50 لاکھ کے 2 مچلکے جمع کرانے کا حکم دیا ہے۔

دو روز قبل لاہور کی عدالت عالیہ نے مریم نواز کی جاتی امراء اراضی کیس میں درخواست ضمانت نمٹا دی تھی۔ عدالت نے نیب کو مریم نواز کی گرفتاری سے 10 روز قبل انہیں آگاہ کرنے کا حکم بھی دیا تاکہ وہ عدالت سے رجوع کرسکیں۔

لاہور ہائیکورٹ منی لانڈرنگ کیس میں 24 فروری کو حمزہ شہباز کی ضمانت منظور کرچکی ہے۔