این سی او سی کی کرونا کے اعدادوشمار میں ردوبدل کی کوشش؟
کرونا سے متعلق اعدادوشمار جاری کر کے کچھ دیر بعد ہی اس میں ردوبدل کردی گئی۔
![کرونا حکمت عملی](https://news360.tv/wp-content/uploads/2021/04/این-سی-او-سی.jpg)
پاکستان میں کرونا کی وباء سے متعلق اعدادوشمار جاری کرنے والے نیشنل کمانڈ اینڈ آپریشن سینٹر (این سی او سی) نے اعدادوشمار میں ردوبدل کر کے عوام کو گمراہ کیا ہے۔ وباء سے متعلق اموات اور کووڈ 19 کے مثبت کیسز کی شرح کی تفصیلات دے کر اسے بعد میں کم ظاہر کیا گیا ہے۔
پاکستان میں کرونا کی وباء تیزی سے پھیل رہی ہے اور آئے روز کیسز اور اموات کی تعداد میں اضافہ ہورہا ہے۔ اس وبائی صورتحال میں کرونا کے اعدادوشمار بتانے والے نیشنل کمانڈ اینڈ آپریشن سینٹر (این سی او سی) نے عوام کو گمراہ کیا ہے۔ این سی او سی نے سنیچر کی صبح 4 بج کر 37 منٹ پر گذشتہ 24 گھنٹوں کے اعدادوشمار جاری کیے جن کے مطابق ملک بھر میں اموات کی تعداد 173 اور مثبت کیسز کی تعداد 7 ہزار 152 تھی۔ جبکہ مثبت کیسز کی شرح 13.80 فیصد تھی۔
This was posted on the official NCOC Twitter handle and deleted soon – and the figures now are lower – tests are higher – deaths are lower – cases are lower – positivity rate is lower
Very fishy pic.twitter.com/tiVsBbLLrW
— omar r quraishi (@omar_quraishi) April 24, 2021
تاہم کچھ دیر بعد ہی این سی او سی نے اس ٹوئٹ کو حذف کر دیا اور صبح 6 بج کر 32 منٹ پر نئے اعدادوشمار جاری کیے۔ ان نئے اعدادوشمار میں اموات، مثبت کیسز کی تعداد اور شرح کو کم ظاہر کیا ہے۔
یہ بھی پڑھیے
ایس او پیز پر عمل نا کیا تو حالات انڈیا جیسے ہوجائیں گے، وزیر اعظم
نیشنل کمانڈ اینڈ آپریشن سینٹرکے 24 اپریل کو جاری ہونے والے نئے اعدادوشمار کے مطابق گذشتہ 24 گھنٹوں میں کرونا کی وجہ سے 157 اموات اور 5 ہزار 908 کیسز سامنے آئے ہیں۔ اسی طرح مثبت کیسز کی شرح بھی کم کر کے 11.27 فیصد ظاہر کی گئی ہے جو پہلے 13.80 فیصد تھی۔
Statistics 24 April 21:
Total Tests in Last 24 Hours: 52,402
Positive Cases: 5908
Positivity % : 11.27%
Deaths : 157— NCOC (@OfficialNcoc) April 24, 2021
سوشل میڈیا صارفین اس بات پر سوال کر رہے ہیں کہ وبائی صورتحال نے نظام زندگی درہم برہم کر رکھا ہے لیکن این سی او سی اس معاملے پر غیرسنجیدگی کا مظاہرہ کیسے کر سکتا ہے؟