وقار ذکا کا وزیراعظم بننے کے بعد ملکی قرضہ ادا کرنے کا دعویٰ
وقار ذکا نے دعویٰ کیا ہے کہ وہ پاکستان کا قرضہ ادا کر سکتے ہیں لیکن اس کے لیے وزیراعظم عمران خان کو پیچھے ہٹنا ہوگا۔
معروف میزبان وقار ذکا کا دعویٰ ہے کہ اگر انہیں وزیراعظم بنا دیا جائے تو وہ کرپٹو کرنسی کے ذریعے ملک کا قرضہ ادا کر سکتے ہیں۔
اپنی باتوں کی وجہ سے خبروں میں رہنے والے ریالٹی شو کے پاکستانی میزبان وقار ذکا نے حال ہی میں سیاست میں قدم رکھنے کا اعلان کیا تھا۔ رواں برس جنوری میں وقار ذکا کی جانب سے سیاسی جماعت ٹیکنالوجی موومنٹ پاکستان (ٹی ایم پی) کی رجسٹریشن کے لیے الیکشن کمیشن میں دستاویزات جمع کرانے کی خبر سامنے آئی تھی لیکن اس کے بعد سے اب تک مکمل خاموشی ہے۔
یہ بھی پڑھیے
وقار ذکا کا طلباء کو بدتمیزی کا درس
ویکی پیڈیا کے مطابق وقار ذکا نے 2013 کے عام انتخابات میں قومی اسمبلی کی نشست کے لیے کراچی کے حلقے این اے 253 سے حصہ لیا تھا لیکن ناکام رہے تھے۔ وقار ذکا نے حلقے کے کُل 2 لاکھ 11 ہزار 768 میں سے صرف 31 ووٹ حاصل کیے تھے۔
تاہم سیاست میں آنے سے قبل ہی وقار ذکا پاکستان کے وزیراعظم بننے کے خواہشمند بن گئے ہیں۔ سماجی رابطوں کی ویب سائٹ ٹوئٹر پر جاری پیغام میں وقار ذکا نے دعویٰ کیا ہے کہ وہ پاکستان کا قرضہ ادا کر سکتے ہیں لیکن اس کے لیے وزیراعظم عمران خان کو پیچھے ہٹنا ہوگا اور ملک کی باگ ڈور وقار ذکا کے ہاتھ میں دینی ہوگی۔
I can pay off PAK debt using crypto but the condition is @ImranKhanPTI should step down and let me run the country if not then Pakistanis should demand what solution respectable , olive plantation, tourism , anti corruption lovers IK has. I challenge all Politican koi idea hai
— Waqar Zaka (@ZakaWaqar) May 4, 2021
ٹوئٹر پیغام میں وقار ذکا نے تمام سیاستدانوں کو چیلنج کیا کہ اگر کرپٹو کرنسی کے علاوہ قرضہ ادا کرنے کا کوئی طریقہ ہے تو بتائیں؟
ایک اور ٹوئٹ میں وقار ذکا نے لکھا کہ ’نواز شریف کی حکومت نے بٹ کوائن پر پابندی لگانے کا غلط فیصلہ کیا تھا اور عمران خان بھی کرپٹو کرنسی کی اہمیت سمجھنے سے قاصر ہیں۔ پاکستان نے حلال طریقے سے امیر ہونے کا موقع گنوا دیا ہے۔‘
It’s so sad that because of @NawazSharifMNS GOVT’s shit decision of banning Bitcoin to @ImranKhanPTI failing to understand crypto importance , Pakistan missed the biggest opportunity to get rich in a halal way. This Islamic Govt loves soodi system & against sood killer BTC
— Waqar Zaka (@ZakaWaqar) May 4, 2021
وقار ذکا کی اس ٹوئٹ پر بیشتر ٹوئٹر صارفین نے ان کی حمایت کی ہے جبکہ کئی صارفین نے ان کی مخالفت بھی کی ہے۔
ایک ٹوئٹر صارف نے ٹوئٹ کے جواب میں لکھا کہ ’اس وقت پاکستان پرتقریباً 233 ارب ڈالرز کا قرضہ ہے۔ یہ پوری کرپٹو مارکیٹ کے 10 فیصد کے برابر ہے کیونکہ کرپٹو کرنسی کی پوری مارکیٹ 2.22 کھرب ڈالرز کی ہے۔ اتنی رقم کمانے کے لیے خطیر رقم لگانی بھی پڑے گی جو حکومت نہیں کر سکتی۔‘
Well, Pakistan’s current debt is around $233 billion, Cryptos’ whole mark cap is $2.22 Trillion. That’s more than 10% of cryptos’ mark cap. How do you break this thing down?
IF you will invest then you need big capital to make big profits which the gov can’t do.— Internet’s Own Boy (@internet_own) May 4, 2021
وقار ذکا آئے روز اپنی غیرشائستہ زبان کی وجہ سے سوشل میڈیا پر زیر بحث رہتے ہیں۔ چند روز قبل معروف میزبان نے کیمبرج کے امتحانات کے حوالے سے وفاقی وزیر تعلیم شفقت محمود کے ساتھ بدتمیزی کی تھی۔
What I told you , remember Lasorey @Shafqat_Mahmood you will regret it . Now the students will make you resign #ResignShafqatMahmood bye bye
— Waqar Zaka (@ZakaWaqar) April 27, 2021
شفقت محمود نے کیمبرج امتحانات کرانے کا فیصلہ سنایا تھا تو وقار ذکا نے ٹوئٹ میں شفقت محمود کے لیے ’لسوڑے‘ کا لفظ استعمال کیا تھا اور ساتھ ہی لکھا تھا کہ آپ اپنے فیصلے پر پشیمان ہوں گے اور اب طلباء آپ سے استعفیٰ لے کر ہی رہیں گے۔
