خواتین کے تحفظ کے لیے وومن سیفٹی ایپ متعارف

پاکستان میں خواتین سے زیادتی، تشدد اور عصمت دری کے بڑھتے واقعات کے  پیش  نظر پنجاب پولیس نے اہم  قدم اٹھاتے ہوئے وومن سیفٹی ایپ متعارف کرادی۔ آئی جی پنجاب پولیس نے کہا ہے کہ تمام خواتین اپنے موبائل فون میں یہ ایپ ضرور انسٹال کریں۔

ملک بھر میں خواتین سے تشدد، زیادتی اور قتل کے واقعات میں اضافہ ہورہا ہے۔ اس سلسلے میں پنجاب پولیس کی جانب سے خواتین کے تحفظ کے لیے وومن سیفٹی ایپ متعارف کروائی گئی ہے جس کے ذریعے خواتین کسی بھی پریشانی کی صورت میں پولیس کو آگاہ کرسکتی ہیں۔

خواتین لازماً اس ایپ کو اپنے موبائل فون میں ڈاؤن لوڈ کرلیں اور مرد حضرات بھی اسے اپنی فیملی کی تمام خواتین تک پہنچائیں۔

اینڈرائڈ فون کے لیے اس لنک سے ایپ ڈاؤن لوڈ کریںhttps://t.co/GbRAG6oqZe

آئی فون کے لیے اس لنک سے ڈاؤن لوڈ کر سکتے ہیںhttps://t.co/7Pzf27J1Ei#PunjabPolice pic.twitter.com/fpw4LmrOii

— Punjab Police Official (@OfficialDPRPP) August 29, 2021

یہ  بھی  پڑھیے

امریکی بلاگر سنتھیا رچی پی ٹی وی کی میزبان مقرر

سماجی رابطوں کی ویب سائٹ ٹوئٹر پر آئی جی پنجاب انعام غنی کے جاری کردہ بیان میں کہا گیا ہے کہ خواتین اس ایپ کو اپنے موبائل فون میں ضرور انسٹال کریں تا کہ پریشانی کی صورت میں ان کی مدد کی جاسکے۔ آئی جی پنجاب نے مزید کہا کہ مرد حضرات تمام خواتین تک یہ ایپلی کیشن ضرور پہنچائیں۔ انہوں نے مزید کہا کہ اس ایپلی کیشن کو پولیس کے علاوہ، پنجاب ہائی وے پٹرول اور موٹروے پولیس سے بھی کنیکٹ کیا گیا ہے تاکہ خواتین کی بروقت مدد کی جاسکے۔

All ladies are requested to download the app and keep it handy. All gentlemen are requested to send it to every lady in their families. Please post it to all whatsapp groups. pic.twitter.com/2Wy6yOEzq4

— Inam Ghani QPM & Bar, PSP (@InamGhani) August 29, 2021

 شہریوں  کی  جانب  سے پنجاب پولیس کی کاوش کو سراہا جارہا  ہے۔ سوشل میڈیا صارفین کا کہنا ہے کہ خواتین کو ہراساں کرنے والے ملزمان کو عبرت کا نشانہ بنانے کے لیے سخت قوانین بنانے چاہئیں تا کہ ایسے واقعات کی روک تھام ممکن ہو سکے۔