ایک اور نیوز چینل بند ہوگیا، صحافتی تنظیمیں خاموش

انڈس نیوز کی انتظامیہ نے قانونی اور تکنیکی بنیادوں پر چینل کی نشریات دو ماہ کے لیے معطل کردیں۔

ویب ڈیسک15 ستمبر 2021

پاکستان میں ایک اور انگریزی نیوز چینل نے قانونی اور تکنیکی مسائل کی بنیادوں پر اپنی نشریات کو اگلے دو ماہ کے لیے بند کردیا ہے۔

چینل کی انتظامیہ نے اگلے دو ماہ تک آپریشن معطل کرنے کا فیصلہ کیا ہے جس سے صحافی برادری میں تشویش کی لہر دوڑ گئی ہے۔

یہ بھی پڑھیے

معروف اینکر پرسن ماریہ میمن کی مرحومہ ماں کا سونا بینک سے چوری

انڈس نیوز پاکستان میں کام کرنے والا آخری انگریزی نجی نیوز چینل تھا، جو بند کردیا گیا ہے۔ یہ اعلان منگل کے روز چینل کی انتظامیہ نے اپنے ٹوئٹر اکاؤنٹ کے ذریعے کیا ، تاہم سرکاری ہینڈل کو بھی معطل کردیا گیا ہے۔

صحافی رضوان غلزئی اور برادری کے دیگر اراکین کے مطابق آپریشن کے اچانک معطل ہونے سے 200 سے زائد میڈیا ورکرز بے روزگار ہو گئے ہیں۔

آج ملک ریاض نے انڈس نیوز بند کرکے 200 سے زائد صحافیوں کو بےروزگار کردیا۔ دیکھتے ہیں اب کون کونسے اینکرز اور صحافتی تنظیمیں ملک ریاض کے گھر کے باہر احتجاجی دھرنا دیں گے۔
کیا کوئی ایسا قانون نہیں ہونا چاہیئے جو ملک ریاض کو ایک لمحے میں 200 لوگوں کو بےروزگار کرنے سے روکے؟

— Rizwan Ahmed Ghilzai (@RizwanGhilzai) September 14, 2021

انہوں نے سوال کیا ہے کہ اب کون سی صحافتی تنظیم ملک ریاض جیسی کاروباری شخصیت کے گھر کےباہر دھرنا دے گی۔

انہوں نے پاکستان میڈیا ڈویلپمنٹ اتھارٹی (پی ایم ڈی اے) کے خلاف پارلیمنٹ کے باہر صحافیوں کے احتجاج کو نشانہ بناتے ہوئے کہا ہے کہ آزادی صحافت کے چیمپئن حکومت کو بلیک میل کرنے کے پارلیمنٹ کے سامنے دھرنے میں ہیں وہ 200 سے زائد صحافیوں کو بےروزگار کرنے پر ملک ریاض کے گھر کے باہر احتجاج کریں گے۔

انڈس نیوز چینل بند ہونے پر پاکستان کے معروف صحافی شاہد حسین نے سماجی رابطوں کی ویب سائٹ ٹوئٹر کا سہارا لیتے ہوئے لکھا ہے کہ "ملک ریاض شاید پاکستان میں واحد آدمی ہیں جو ان کے خلاف منہ کھولتا ہے چاہے وہ اخبار ہو یا چینل وہ انہیں خرید لیتے ہیں اور پھر کچھ عرصے بعد اچانک بند کر دیے جاتے ہیں۔

ملک ریاض شاید پاکستان میں واحدآدمی اس کےخلاف کوئی منہ کھولتا
جو اخبار کا ٹی وی چینل خریدتا ہےوہ کچھ عرصے بعداچانک بندکردیتاہے
آزادی صحافت کے چیمپئن حکومت کو بلیک میل کرنے کے پارلیمنٹ کےسامنےدھرنےمیں ہیں وہ 200 سےزائد صحافیوں کوبےروزگارکرنے پر ملک ریاض کے گھرکے باہر احتجاج کرلیں

— Shahid Hussain (@ShahidHussainJM) September 14, 2021