پاکستان نے 3ہزار سکھ یاتریوں کو ویزے جاری کردیئے
پاکستانی ویزوں کا اجراء حکومت کی پاکستان میں مذہبی مقامات کی زیارت کو فروغ دینے کی کوششوں کا حصہ ہے
بھارت میں پاکستانی ہائی کمیشن نے 17 سے 26 نومبر 2021ء تک جاری رہنے ولے بابا گرو نانک کے 552ویں یوم پیدائش کے موقع پر تقریباً 3 ہزار بھارتی سکھ یاتریوں کو ویزے جاری کر دیے ہیں۔
تفصیلات کے مطابق بھارت میں پاکستانی ہائی کمیشن نے مذہبی مقامات کے دوروں کے حوالے سے 1974ءکے پاکستان، بھارت پروٹوکول کے تحت سکھ یاتریوں کو ویزے جاری کیئے ہیں جس کے تحت سکھ یاتری پاکستان میں اپنے قیام کے دوران ننکانہ صاحب میں گردوارہ جنم استھان اور کرتار پور میں گردوارہ دربار صاحب سمیت مختلف گردواروں کی یاترا کرسکیں گے۔
Pakistan issues 3,000 visas; Indian Sikhs set Nov 19 deadline for Kartarpur Corridor reopening #APPNews #Pakistan #India #Sikh #KartarpurCorridor @parbhandak @sikh_coalition @ForeignOfficePk @PakinIndia https://t.co/EpakWoJlD9 via @appcsocialmedia pic.twitter.com/W4ElpDQAHR
— APP 🇵🇰 (@appcsocialmedia) November 13, 2021
بھارت میں پاکستانی ہائی کمیشن نے سکھ مذہب کے بانی بابا گرو نانک کے 552ویں جنم دن کے موقع پر بھارت سمیت دنیا بھر کی سکھ برادری کو مبارکباد پیش کرتے ہوئے پاکستان آنے والے زائرین کے لیے نیک تمناؤں کا اظہار بھی کیا ہے۔ زائرین کو زیادہ سے زیادہ ویزوں کا اجراء حکومت پاکستان کی پاکستان میں مذہبی مقامات کی زیارت کو فروغ دینے کی کوششوں کا حصہ ہے۔
یہ بھی پڑھیے
بابا گرو نانک کے یوم پیدائش پر سکھ یاتریوں کی آمد
واضح رہے کہ وزیراعظم پاکستان عمران خان نے سکھ یاتریوں کی غیر معمولی سہولت کے لیے متعدد اقدامات اٹھائے ہیں، ان اقدمات میں بابا گرو نانک کے 550ویں جنم دن کے موقع پر نومبر 2019ء میں ویزا فری کرتارپور صاحب راہداری کھولنے کا تاریخی اقدام بھی شامل ہے جبکہ گردوارہ کرتا رپور صاحب کمپلیکس کا نیا اور شاندار کمپلیکس پاکستان کے عوام اور پاکستانی قیادت کی جانب سے بھارت اور دنیا بھر میں مقیم سکھ کمیونٹی کے لئے تحفہ قرار دیا گیا ہے ۔
