عامر لیاقت حسین نے ایک مرتبہ پھر وزیراعظم سے معافی مانگ لی
دو روز قبل پی ٹی آئی کے ایم این اے نے کراچی کے علاقے طارق روڈ واقع مدینہ مسجد گرانے کے معاملے پر عمران خان کو آڑے ہاتھوں لیا تھا۔
پاکستان تحریک انصاف (پی ٹی آئی) کے رہنما اور رکن قومی اسمبلی عامر لیاقت حسین نے طارق روڈ مدینہ مسجد آمد کے موقع پر اپنے کہے ہوئے الفاظ پر وزیراعظم عمران خان اور پارٹی رہنماؤں سے معافی کی درخواست کی ہے۔
سماجی رابطوں کی ویب سائٹ ٹوئٹر پر پیغام جاری کرتے ہوئے عامر لیاقت حسین نے کہا ہے کہ "میرے پی ٹی آئی کے ساتھیوں سب سے پہلے میں یہ بتا دینا چاہتا ہوں کہ میرا وزیر اعظم عمران خان کے ساتھ ایک اٹوٹ رشتہ ہے جو کبھی ختم نہیں ہوسکتا ، جو بھی بات آپ کو بری لگی ہے وہ یقیناً آپ کو بری لگنی بھی چاہیے۔ لیکن بات کا تناظر چھپانا سب سے بری بات ہے۔”
یہ بھی پڑھیے
میڈیا پر اثر انداز ہونے کی کوشش،مریم نواز کی ایک اور آڈیو لیک
پی ٹی آئی فارن فنڈنگ کیس، فرخ حبیب نے ن لیگ اور پی پی کا پینڈورا باکس کھول دیا
اپنی صفائی دیتے ہوئے انہوں نے مزید کہا ہے کہ "خان صاحب آپ کو شرم نہیں آتی ، شرم آتی ہے تو آتا ہے۔ پھر میں چپ کرگیا۔ پھر میں نے کہا کہ شرم آتی ہے تو اقوام متحدہ میں آتا ہے۔ وہاں آتے ہیں اور وہاں آکر خطاب کرتے ہیں۔ لیکن میری بات کے بیچ کے حصے کو کاٹ کر دکھایا گیا۔”
وزیر اعظم جناب عمران خان جو میرے پارٹی چیئرمین لیڈر اور رہبر کے ساتھ ساتھ میرے دوست بھی ہیں انہیں یقیناً میرے الفاظ سے ٹھیس پہنچی ہے میں ان سے دل کی گہرائیوں سے معافی مانگتا ہوں اور پی ٹی آئی کے تمام ساتھیوں سے بھی ان کے کارکن بھائی کی حیثیت سے معافی کا طلب گار ہوں@ImranKhanPTI pic.twitter.com/0tAXvHbjJT
— Aamir Liaquat Husain (@AamirLiaquat) January 3, 2022
ایم این اے عامر لیاقت حسین کا کہنا تھا کہ "اس سب کے باوجود بھی میں آپ سب سے معذرت چاہوں گا۔ میں خان صاحب سے بھی معافی چاہتا ہوں اور میں خان صاحب کے پاس جاکر بھی ان سے معافی مانگو گا۔ ان کا عامر ایسا نہیں ہے ، ان کا عامر انہیں بہت چاہتا ہے ، ان سے بہت محبت کرتا ہے۔ خان صاحب میرےلیڈر میرے رہبر ہیں۔”
یاد رہے کہ دو روز قبل عامر لیاقت حسین نے کراچی کے علاقے طارق روڈ پر قائم مدینہ مسجد کا دورہ کیا تھا اور بات چیت کی تھی۔ اس دورے کی ایک ویڈیو سوشل میڈیا پر وائرل ہوئی تھی جس میں انہوں نے اپنی حکومت اور وزیراعظم پر سخت تنقید کی تھی۔
گفتگو کرتے ہوئے ایم این اے عامر لیاقت حسین نے کہا تھا کہ "میرے لیے یہ لفظ بہت اہمیت کا حامل ہے مدینہ ، ریاست مدینہ میں مدینہ مسجد گرا رہے ہیں۔
جو مساجد گراتی ہے وہ میری حکومت نہیں
پی ٹی آئی کے ایم این اے عامر لیاقت کی مدینہ مسجد طارق روڈ آمد
عمران خان کے متعلق اھم گفتگو کہا کہ
جو مدینہ کی بات کرتے تھے وہ ہی مدینہ مسجد گرارہیں ۔ا pic.twitter.com/tiWDoVla9N— RegionalTelegraph (@RegnlTelegraph) January 3, 2022
اس پر سوال کرنے والے سوال کیا کہ حکومت تو آپ کی ہے اس حوالے سے آپ کیا کہتے ہیں؟ عامر لیاقت حسین نے جواب دیا جو مسجدیں گراتی ہے وہ میری حکومت نہیں ہے۔
اسی شخص نے پوچھا تو کیا خان صاحب کو شرم نہیں آئی؟ اس پر عامر لیاقت نے کہا کہ ان کو شرم آتی تو وہ آتے، یہ سنتے ہی ان کیساتھ بیٹھے افراد نے قہقہے لگانا شروع کر دیئے۔
