وزیراعظم عمران خان چین کے کامیاب دورے کے بعد پاکستان روانہ
وزیراعظم نے مصر کے صدر عبدالفتاح السیسی، ازبکستان کے صدر شوکت مرزیوف اور قطر کے امیر شیخ تمیم بن حمد الثانی سے بھی بات چیت کی۔
![وزیراعظم عمران خان دورہ چین مکمل](https://news360.tv/wp-content/uploads/2022/02/وزیراعظم-عمران-خان-کا-دورہ-چین-مکمل.jpg)
وزیراعظم عمران خان وفد کے ہمراہ کامیاب چار روزہ دورہ چین مکمل کرکے واپس روانہ ہوگئے۔ وزیراعظم نے اپنے دورے کے دوران چائینیز وزیراعظم اور صدر سے ملاقاتیں کیں ، ملاقاتوں میں دو طرفہ تعلقات ، سی پیک ، عالمی اور خطے کی موجودہ صورتحال پر تبادلہ خیال کیا۔
وزیراعظم عمران خان نے اتوار کی صبح چین کے صدر شی جن پنگ سے ملاقات کی، اس موقع پر وزیراعظم اور چینی صدر کے درمیان علاقائی ، عالمی ، سی پیک اور افغانستان کی موجودہ صورتحال سمیت دیگر اہم موضوعات پر تبادلہ خیال کیا گیا۔
یہ بھی پڑھیے
وزیراعظم کی چینی عہدیداران اور سرمایہ کاروں سے ورچوئل ملاقات
کشمیریوں پر بھارتی مظالم کے خلاف اقوام متحدہ کی خاموشی بےحسی کے سوا کچ نہیں
وزیر اطلاعات و نشریات فواد چوہدری نے ٹوئٹر پر ملاقات کی تفصیلات بتاتے ہوئے کہا کہ وزیراعظم عمران خان اور چینی صدر شی جن پنگ کے درمیان ملاقات ہوئی۔
وزیر اعظم عمران خان اور صدر شی کی جن پنگ کی ملاقات ختم ہو گئ ہے اور وزیر اعظم پاکستان روانگی کیلئےائرپورٹ کی طرف روانہ ہو چکے ہیں
— Ch Fawad Hussain (@fawadchaudhry) February 6, 2022
چینی صدر سے ملاقات سے ایک روز قبل وزیراعظم عمران خان نے اپنے چینی ہم منصب "لی کی چیانگ” سے بھی ملاقات کی اور افغانستان میں امن، استحکام اور ترقی اور علاقائی رابطوں کے مشترکہ مقاصد کو فروغ دینے کے لیے پاکستان اور چین کے ساتھ مل کر کام کرنے کی اہمیت پر زور دیا۔
Prime Minister Holds Meeting with Premier Li Keqiang
Prime Minister @ImranKhanPTI held wide-ranging talks with H.E. Mr. Li Keqiang, Premier of the State Council of the People’s Republic of China, in Beijing today.#PMIKinChina pic.twitter.com/e5i1VatW8F
— Prime Minister’s Office, Pakistan (@PakPMO) February 5, 2022
"دونوں رہنماؤں نے دوطرفہ اقتصادی روابط کو مزید گہرا کرنے پر مل کر کام کرنے پر اتفاق کیا اور کثیر جہتی تزویراتی تعاون پر مبنی تعلقات کو مزید آگے بڑھانے اور نئے دور میں مشترکہ مستقبل کی پاک چین کمیونٹی کی تعمیر کے عزم کا اعادہ کیا۔”
دونوں فریقوں نے پاک چین آل ویدر اسٹریٹجک کوآپریٹو پارٹنرشپ کے قیام کا اعادہ کیا اور باہمی دلچسپی کے امور پر ایک دوسرے کی حمایت کا بھی اعادہ کیا۔
وزیراعظم عمران خان نے کووڈ 19 کے وبائی مرض سے نمٹنے کے لیے چینی حکومت کی جانب سے ویکسین کی فراہم پر چینی وزیراعظم کا شکریہ ادا کیا۔
The Prime Minister thanked the Chinese government for support and assistance to Pakistan in dealing with the COVID-19 pandemic and timely supply of vaccines.
— Prime Minister’s Office, Pakistan (@PakPMO) February 5, 2022
مقبوضہ کشمیر کی موجودہ صورتحال کے تناظر پر گفتگو کرتے ہوئے چینی وزیر اعظم لی کی کیانگ نے یقینی دہانی کرائی کہ وہ کشمیر کے مسئلے پر پاکستان کے ساتھ کھڑے ہیں۔ اس موقع پر وزیراعظم عمران خان نے چینی ہم منصب کو تائیوان اور ہانگ کانگ جیسے اہم مسائل پر اپنی حمایت کا یقین دلایا۔