شوکت ترین کی طرح عمران خان کیخلاف بھی ثبوت تیار ہیں، عمر چیمہ کا دعویٰ

دی نیوز کے سینئر انویسٹی گیٹو رپورٹر عمر چیمہ نے دعویٰ کیا ہے کہ شوکت ترین کی طرح سابق وزیراعظم عمران خان کیخلاف بھی دستاویزی ثبوت تیار ہیں۔

انہوں نے کہا کہ جس طرح شوکت ترین خط کے بارے میں مشاورت کررہے تھے اسی طرح عین ممکن ہے کہ خان صاحب بھی  مشاورت کررہے ہوں کہ ہمیں خط کے ساتھ کس طرح کھیلنا ہے۔

یہ بھی پڑھیے

 مریم نواز کے بعد یوسف رضا گیلانی بھی گرگئے

سیلاب کی معاشی تباہ کاریاں، وزیراعظم نے عوام کو کچھ امید دے دی

انہوں نے دعویٰ کیا کہ عمران خان کیخلاف دستاویزی ثبوت موجود ہیں کہ انہوں نے خط کو سیاسی مقاصد کیلیے استعمال کرنے کی کیا تیاری کی تھی۔انہوں نے کہا کہ میں جو بات کہہ رہا ہوں وہ پورے وثوق سے کہہ رہا ہوں لیکن مجھے یہ اندازہ نہیں ہے کہ یہ   کب جاری ہوگا، یہ چیزیں باہر لانے والوں نے طے کرنا ہوتی ہیں کہ کب باہر لانی ہیں۔

شوکت ترین کی آڈیو سے متعلق انہوں نے کہا کہ جس طرح شوکت ترین کی  باہر آئی تو ہمیں اسی وقت پتہ چلا جب  ایک چیز مارکیٹ میں دستیاب ہوگئی۔

سینئرصحافی عمرچیمہ نےبڑاانکشاف کردیا!
آئیندہ چند دنوں میں ایک ایسا ثبوت سامنے آنے والا ہے جسمیں مکمل طورپرتفصیل ہو گی کہ عمران خان نےاپنےخلاف تحریک کامیاب ہونےکی صورت میں امریکی سازش والے خط کو کس طرح استعمال کرنا ہے اسمیں اس ساری منصوبہ بندی کےثبوت ہوں گے۔@UmarCheema1 pic.twitter.com/ZVJRespGTq

— Ch Mubeen Gujjar (@CMMobeen) August 30, 2022

عمر چیمہ نے دعویٰ کیا کہ عمران خان کی حکومت میں امریکی سائفرسے زیادہ سخت زبان والے سائفر بھی موصول ہوئے تھے جن میں سے ایک خلیجی ملک اور دوسرا یورپی ملک سے آیا تھا جن میں امریکا والے سائفر سے زیادہ سخت زبان استعمال کی گئی تھی لیکن وہ منظر عام پر نہیں آسکا کیونکہ شاید اس سے سیاسی مقاصد حاصل نہیں ہوسکتے تھے۔

انہوں نے کہا کہ  جو لوگ اس طرح کی چیزیں لیک کرنے والے ہوتے ہیں ان کی ایجنڈا سیٹنگ اپنی ایک سوچ ہوتی ہے کہ فلاں وقت میں اس کا اثر زیادہ ہوگا، ابھی سیلاب ہے یا اور چیزیں چل رہی ہیں ، اس لیے یہ چیز درمیان میں ضائع ہوجائے گی۔