پی ڈی ایم اے سندھ نے سیلاب سے تباہی کے اعداد و شمار جاری کردیئے
پراونشل ڈیزاسٹرمینجمنٹ اتھارٹی سندھ (پی ڈی ایم اے ) کے اعداد و شمار کے مطابق صوبے میں اب تک سیلاب سے 400 افراد جان کی بازی ہار چکے ہیں جبکہ تقریباً ایک ہزارافراد زخمی ہوئے ہیں، سیلاب سے 2 لاکھ 53 مکانات مکمل طور پر تباہ ہوگئے ہیں جسکی وجہ سے 40 لاکھ 98 ہزار افراد متاثر ہوئے ہیں
![PDMA, Sindh, Flood, پی ڈی ایم اے، سندھ، سیلاب](https://news360.tv/wp-content/uploads/2022/09/PDMA-Sindh-Flood.jpg)
پراونشل ڈیزاسٹر مینجمنٹ اتھارٹی سندھ (پی ڈی ایم اے ) کے اعداد و شمار کے مطابق صوبے میں اب تک سیلاب سے 400 افراد جان کی بازی ہار چکے ہیں جبکہ تقریباً ایک ہزار افراد زخمی ہوئے ہیں۔ جاں بحق افراد میں 108 بچے اور 46 خواتین شامل ہیں۔
پی ڈی ایم اے سندھ کے سیلاب کے حوالے سےاعداد و شمار میں بتایا گیا ہے کہ 8 اگست تک سیلاب سے 127 افراد جاں بحق ہوئے تھے جوکہ 28 اگست تک 400 پہنچ گئے ہیں۔ جاں بحق افراد میں 46 خواتین اور 108 بچے شامل ہیں۔
یہ بھی پڑھیے
سندھ میں سیلاب سے متاثرہ 20 لاکھ بچوں کا تعلیمی سلسلہ چھوٹنے کاخدشہ
اعداد و شمار کے مطابق سیلاب سے 2 لاکھ 53 مکانات مکمل طور پر تباہ ہوگئے ہیں جس کی وجہ سے 40 لاکھ 98 ہزارافراد متاثر ہوئے ہیں۔ سیلاب نے فصلوں کی کاشت کیلئے 2.72 ملین ایکڑ رقبے کو ناقابل استعمال بنا دیا ہے۔
صوبائی ڈیزاسٹر منیجمنٹ اتھارٹی کی رپورٹ میں کہا گیا ہے کہ سندھ میں سیلاب متاثرین میں 3 ہزار880 راشن کے تھیلے،3 ہزار 600 مچھر دانیاں، 49 ہزار پلاسٹک کی ترپالیں، 4 ہزار 835 خیمے اور پانی نکالنے والے 95 پمپس فراہم کیے گئے ہیں۔
دوسری جانب سندھ کے سابق وزیر داخلہ ذوالفقار مرزا کے صاحبزادے رکن سندھ اسمبلی بیرسٹر حسنین مرزا نے کہا ہے کہ 7 روز گزرنے کے بعد بھی سندھ حکومت بدین میں امدادی کام میں دلچسپی نہیں لے رہی ہے ۔
7 days on and Sindh Government has still failed to plug the breaches in MMD drowning Badin.
Request @OfficialDGISPR to mobilise army/navy teams. It should not take more than 6 hours to close this breach and save 150,000 homes! pic.twitter.com/kNOvfRJ2dd
— Barrister Hasnain Mirza, MPA (@barhasnainmirza) September 4, 2022
انہوں نے افواج پاکستان کے شعبہ تعلقات عامہ آئی ایس پی آر کو ٹوئٹر ہینڈل پر مینشن کرتے ہوئے کہا کہ سندھ حکومت لا پروائی کررہی ہے، فوج اور بحریہ کی ٹیموں کا لگاکر بدین کے ڈیڑھ لاکھ گھروں کو ڈوبنے سے بچایا جائے ۔