پاکستان کو مشکلات سے نکالنے کے لیے اس کے ساتھ جڑنا پڑے گا، سیکریٹری جنرل
صدر ایمینوئل میکرون نے کہا ہے کہ فرانس اس کے اختتام سے قبل پاکستان کی امداد کے لیے ایک بین الاقوامی کانفرنس کا انعقاد کرے گا۔
اقوام متحدہ کے سیکرٹری جنرل انتونیو گوتریس نے کہا ہے کہ پاکستان اس وقت سیلابی پانی اور قرضوں میں ڈوبا ہوا ہے ، ہمیں وزیراعظم شہباز شریف کی اپیل پر پاکستان کو مشکلات حالات سے نکالنے کےلیے اس ساتھ جڑے رہنا پڑے گا۔
ان خیالات کا اظہار سیکرٹری جنرل اقوام متحدہ انتونیو گوتریس نے یو این جنرل اسمبلی کے 77 ویں اجلاس کے موقع پر کیا۔
یہ بھی پڑھیے
سیلاب متاثرین گھروں کی مرمت کیلیے کم سن بیٹیوں کی شادیاں کرنے پر مجبور
سی سی پی او لاہور کا معاملہ: وفاق اور پنجاب حکومت میں ٹھن گئی
اسی دوران فرانس نے پاکستان کے ساتھ مل کر موجودہ چیلنج سے نمٹنے کے لیے مشترکہ کوششوں پر اتفاق کیا۔
Prime Minister Shahbaz Sharif meets H.E. Mr. Emmanuel Macron, President of France on the sidelines of UNGA 77 Session 2022.#PMPakatUNGA pic.twitter.com/h1K7KvJOqN
— Prime Minister’s Office (@PakPMO) September 20, 2022
فرانسیسی حکام نے اس سال کے اختتام سے قبل پیرس میں ایک بین الاقوامی کانفرنس کرنے کا عندیہ بھی دیا اور چیلنجز سے نمٹنے کے طریقوں کی نشاندہی پر بھی اتفاق کیا۔
کانفرنس کی میزبانی کا مقصد اسلام آباد کو موسمیاتی تبدیلیوں سے ہونے والے نقصانات سے لچکدار انداز میں تعمیر نو میں مدد فراہم کرنا ہوگا۔
جنرل اسمبلی کے افتتاحی سیشن سے خطاب کرتے ہوئے اقوام متحدہ کے سیکرٹری جنرل انتونیو گوتریس کا کہنا تھا کہ "میں نے حال ہی میں پاکستان کا دورہ کیا اور اپنی آنکھوں سے ہونے والے نقصانات جائزہ لیا۔ مون سون بارشوں اور سیلاب نے ملک کے ایک تہائی حصہ کو تہ و بالا کرکے رکھ دیا ہے۔
View this post on Instagram
انتونیو گوٹیرس نے اپنی اپیل کو ایک مرتبہ پھر سے دہرایا جو انہوں نے دورہ پاکستان کے موقع پر عالمی برادری اور قرض دینے والے اداروں سے کی تھی۔
انہوں نے قرض دینے والے ممالک پر زور دے کرکہا ہے کہ انہیں سیلاب سے متاثرہ پاکستان کے قرضوں میں کمی کے طریقہ کاروں پر غور کرنا چاہیے۔
سیکریٹری جنرل اقوام متحدہ کا کہنا تھا موسمیاتی تبدیلیوں سے ہونے والے نقصانات کے ازالے کے لیے پاکستان کی بھرپور مدد کرنا ہو گی تاکہ وہ زندگی اور ذریعہ معاش کو بچا سکے۔
اقوام متحدہ کے سیکریٹری جنرل نے قرض دہندگان پر زور دے کر کہا کہ ’’ترقی پذیر ممالک خصوصی طور پر متوسط آمدنی والے ممالک کے لیے قرضوں سے نجات کا ایک موثر طریقہ کار وضع کرنا چاہیے‘‘۔
کووڈ 19 وبائی امراض کے بعد یہ یو این جی اے کا پہلا اجلاس ہے جس میں عالمی رہنماؤں نے بڑی تعداد میں شرکت کی ہے۔
مسٹر گوٹیرس کی طرف سے دیے گئے استقبالیہ میں بھی، وزیر اعظم شریف نے نیوزی لینڈ کی وزیر اعظم جیسنڈا آرڈرن سے بات چیت کی، فرانس کے صدر ایمانوئل میکرون، اسپین کے صدر پیڈرو سانچیز پیریز کاسٹیجن، آسٹریا کے چانسلر کارل نیہمر اور اسلامی جمہوریہ ایران کے صدر سید ابراہیم رئیسی کے ساتھ طرفہ ملاقاتیں کیں۔
Prime Minister Muhammad Shehbaz Sharif in a bilateral meeting with H.E Sayyed Ebrahim Raisi, President of the Islamic Republic of Iran on the sidelines of 77th Session of United Nations General Assembly. #PMPakatUNGA pic.twitter.com/xjE0Ttvtw9
— Prime Minister’s Office (@PakPMO) September 20, 2022
وزیراعظم شہباز شریف نے اس موقع پر فلسطینی صدر محمود عباس کی جانب سے ریسپانس اور ریسکیو ٹیمیں بھیجنے پر شکریہ ادا کیا۔
جنرل اسمبلی کے اجلاس پر سماجی رابطوں کی ویب سائٹ ٹوئٹر پر پیغام میں لکھا ہے کہ "ہم دنیا کو پاکستان کی کہانی سنانے آئے ہیں، سیلاب کی وجہ سے ہونے والے ایک بڑے انسانی المیے سے پیدا ہونے والی گہری پریشانی اور درد کی کہانی”۔
Reached NY a few hours ago to tell Pakistan’s story to the world, a story of deep anguish & pain arising out of a massive human tragedy caused by floods. In my address at UNGA & bilateral meetings, I will present Pakistan’s case on issues that call for world’s immediate attention
— Shehbaz Sharif (@CMShehbaz) September 20, 2022
فرانسیسی مدد
اقوام متحدہ کی جنرل اسمبلی کے موقع پر وزیر اعظم نواز شریف کی فرانسیسی صدر ایمینوئل میکرون سے ملاقات کی۔
وزیراعظم شہباز شریف نے فرانسیسی صدر کو تفصیل کے ساتھ پاکستان میں سیلاب سے ہونے والی تباہ سے متعلق بریف کیا۔ اور بروقت امداد بھیجنے پر فرانسیسی صدر اور عوام کا شکریہ ادا کیا۔
وزیر اعظم نے جی ایس پی پلس اسکیم کے لیے فرانس کی حمایت پر بھی شکریہ ادا کیا۔