جیو نیوز نے عمران خان سے معذرت کرلی ، غریدہ فاروقی کب معافی مانگے گیں

جیو نیوز کی جانب سے عمران خان کے وارنٹ گرفتاری جاری کے بعد ان کے بنی گالہ سے غائب ہو جانے کی خبر نشر کرنے پر ادارے نے معذرت کرلی ہے جبکہ معروف اینکر پرسن غریدہ فاروقی نے اپنے غلط ٹوئٹ پر ابھی تک معذرت نہیں کی ہے۔ تاہم ان خبروں کی گردش کے بعد پی ٹی آئی رہنما ملیحہ ہاشمی نے عمران خان کی ایک تصویر سوشل میڈیا پر جاری کی جس میں وہ اپنے پالتو کتے کو کھانا کھلا رہے ہیں۔

جیو نیوز نے اپنے بیان میں کہا ہے کہ "عمران خان کے وارنٹ گرفتاری جاری ہونے کے بعد جیو نیوز پر اسلام آباد پولیس کی انہیں گرفتار کرنے کے لیے بنی گالہ روانہ ہونے اور عمران خان کے بنی گالہ سے نامعلوم مقام پر روانہ ہونے کے ٹیکر کچھ سیکنڈ کے لیے غلطی سے نشر ہوئے۔”

جیو نیوز کا کہنا ہے کہ "ادارہ اس غلطی پر معذرت خواہ ہے۔”

تاہم دوسری جانب معروف اینکر پرسن غریدہ فاروقی نے اپنے ٹوئٹر ہینڈل پر اسلام آباد پولیس کی جانب سے وارنٹ گرفتاری جاری ہونے لکھا تھا کہ ” کچھ چینلز پر غلط خبر چل رہی ہے۔ عمران خان بنی گالہ میں ہی موجود ہیں۔۔! وارنٹ گرفتاری جاری۔”

کچھ چینلز پر غلط خبر چل رہی ہے۔ عمران خان بنی گالہ میں ہی موجود ہیں۔۔! وارنٹ گرفتاری جاری۔۔۔

— Gharidah Farooqi (@GFarooqi) October 1, 2022

یہ بھی پڑھیے

جج کو دھمکی دینے کے مقدمے میں عمران خان کی عبوری ضمانت قبل از گرفتاری منظور

خاتون جج کو دھمکیاں : عمران خان کے وارنٹ گرفتاری جاری کردیئے گئے

وارنٹ گرفتاری کے بعد ایک نجی ٹی وی چینل سے گفتگو کرتے ہوئے غریدہ فاروقی کا کہنا تھا کہ "وارنٹ گرفتاری جاری تو ہوئے ہیں مگر ابھی علم نہیں ہے کہ عمران خان بنی گالہ میں موجود ہیں یا نہیں۔ کچھ عرصہ پہلے بھی اسی قسم کی ایک ہلچل ہوئی تھی ، اور عمران خان کی گرفتاری کی خبریں پھیل گئی تھیں ، ابھی تو واضح ہونے ہے کہ کس طرح سے وارنٹ گرفتاری جاری ہوئے  ہیں۔ اگر عمران خان کی گرفتاری ہوجاتی ہے ملک میں ایک بہت بڑا تہلکہ ہوگا۔”

عمران خان کے وارنٹ گرفتاری؛ نیوز ون پر میرا تجزیہ۔۔۔۔ pic.twitter.com/Si19bL07lf

— Gharidah Farooqi (@GFarooqi) October 1, 2022

اسلام آباد پولیس کی جانب سے عمران خان کے وارنٹ گرفتاری جاری ہونے اور ان کے بنی گالہ سے فرار ہونے کی خبروں کی نفی کرتے ہوئے پاکستان تحریک انصاف رہنما ملیحہ ہاشمی نے سماجی رابطوں کی  ویب سائٹ ٹوئٹر پر چیئرمین پی ٹی آئی کی ایک تصویر شیئر کی ہے جس میں وہ اپنے کتے کو کھانا کھلا رہے ہیں۔

Picture of the Day !! 💪 pic.twitter.com/8qD0ra27hO

— Maleeha Hashmey (@MaleehaHashmey) October 1, 2022

ملیحہ ہاشمی نے کیپشن میں لکھا ہے کہ "آج کے دن کی تصویر۔”