امریکا کا ویزا کینسل ہونے پر مونس الہیٰ کی طنزیہ ٹوئٹ پر عمران ریاض کا ردعمل
وزیراعلیٰ پنجاب چوہدری پرویز الہیٰ کے صاحبزادے مونس الہیٰ نے کہا کہ سناہے کہ کسی شخص کا جرائم پیشہ افراد سے تعلق ہونے کی بنا پر ویزا کینسل ہوگیا جس پر عمران ریاض نے جواب دیا کہ جن لوگوں نے میرا ویزا کینسل کروایا ان کا نام لینے کی ہمت کرو جبکہ احمد نورانی نے بھی اپنے ردعمل دیتے ہوئے کہاکہ صحافیوں کے خلاف ایسی کارروائیاں انتہائی قابل مذمت ہیں
وزیراعلیٰ پنجاب چوہدری پرویز الہیٰ کے صاحبزادے اورپاکستان مسلم لیگ قاف کے رہنما مونس الہیٰ نے کہا ہے کہ جرائم پیشہ افراد سے تعلق کی بنا پر کسی شخص کا ویزا کینسل ہوا جس کے وجہ سے انہیں ایئرپورٹ سے واپس گھر آنا پڑا ۔
وزیراعلیٰ پنجاب چوہدری پرویزالہیٰ کے صاحبزادے مونس الہیٰ نے مائیکرو بلاگنگ سائٹ پراپنے ایک پیغام میں کہا کہ سنا ہے کسی شخص کا امریکا کا ویزا کینسل ہوگیا جس کی وجہ سے انہیں ایئر پورٹ سے واپس لوٹا دیا گیا ۔
یہ بھی پڑھیے
چوہدری شجاعت کا عمران خان پر قاتلانہ حملے سے متعلق اہم ترین انکشاف
پاکستان مسلم لیگ قاف کے رہنما مونس الہیٰ نے کہا کہ مذکورہ شخص کا ویزا جرائم پیشہ افراد سے انتہائی مضبوط روابط ہونے کی وجہ سے منسوخ کیا گیا ہے اور اسے حکام نے ایئر پورٹ سے واپس گھر بھیج دیا ہے ۔
Heard someone’s visa got cancelled due to strong links with criminal elements. He had to go back from airport.
— Moonis Elahi (@MoonisElahi6) December 7, 2022
مونس الہیٰ کی ٹوئٹ پر اینکر پرسن عمران ریاض نے انہیں ڈپٹی وزیراعلیٰ پنجاب قرار دیتے ہوئے کہا کہ میں یہ بھی جانتا ہوں جناب کو کس نے بتایا ہے۔ اب دیکھتے جائیے۔
میں یہ بھی جانتا ہوں جناب کو کس نے بتایا ہے۔ 😂 اڑتا تیر تو آپ پسند فرمایا ہے۔ اب دیکھتے جائیے ڈپٹی وزیر اعلی صاحب https://t.co/VPnFYlCKfD
— Imran Khan (@ImranRiazKhan) December 7, 2022
اینکر پرسن عمران ریاض نے کہا کہ قاف لیگ کے رہنما مونس الہیٰ کو مہرہ قرار دیا اور کہا کہ چند دن پہلے بھی میرا ایک ویزہ رکوایا گیا جبکہ آج پھر ایک لگا ہوا ویزہ منسوخ ہوا ہے ۔
اپنے ٹوئٹ پیغام میں عمران ریاض کا کہنا تھا کہ میرا ویزا بھی ارشد شریف کی طرح منسوخ کیا گیا ۔ارشد شریف کا ویزا کینسل کروایا گیا بلکہ انہیں دوبارہ ویزا دینے سے بھی انکار کیا گیا ۔
چند دن پہلے بھی میرا ایک ویزہ رکوایا گیا ہے۔ آج پھر ایک لگا ہوا ویزہ کینسل ہوا ہے۔ اسی طرح ارشد بھائی کا دبئی کا ویزہ نا صرف کینسل کروایا گیا بلکہ انہیں دوبارہ ویزہ دینے سے بھی روکا گیا۔ وہی کھیل وہی کھلاڑی اور وہی مونس جیسے مہرے
— Imran Khan (@ImranRiazKhan) December 7, 2022
عمران ریاض خان نے مونس الہیٰ کو مخاطب کرتے ہوئے کہا کہ میرا ویزا کن لوگوں نے کینسل کروایا ان کا نام لینے کی بھی جرات کرو۔آج بھی وہی کھیل وہی کھلاڑی اور وہی مونس جیسے مہرے موجود ہیں۔
امریکا میں مقیم صحافی احمد نورانی نے مونس الہیٰ کی ٹوئٹ پر اپنا ردعمل دیتے ہوئے کہا کہ میں نے کبھی نہیں سوچا تھا کہ ایک دن چوہدری خاندان میں کوئی صحافی کو اس طرح نشانہ بنانے کا جشن منائے گا۔
Such actions against journalists are highly condemnable. Difference of opinion aside, I never thought one-day someone Chaudharys’ family would celebrate the targeting of a journalist like this. https://t.co/8eVQppmnIi
— Ahmad Noorani (@Ahmad_Noorani) December 7, 2022
احمد نورانی کا کہنا تھا کہ صحافیوں کے خلاف ایسی کارروائیاں انتہائی قابل مذمت ہیں۔ اختلاف رائے کو ایک طرف رکھیں مگر کبھی سوچا نہیں تھا کہ چوہدری خاندان کو کوئی فرد صحافی کے نشانہ بننے پر جشن منائے گا۔
اینکر پرسن عمران ریاض خان نے کچھ دیر بعد ہی ٹوئٹر پر اپنے پیغام میں اطلاع دی کہ مونس الہیٰ سے صلح ہوگئی ہے۔ عمران ریاض نے بتایا کہ مونس الہیٰ نے صلح صفائی کے لیے سفارش کروائی ہے ۔
مونس الہی نے صلح کے لیے جس جس کی سفارش کروائی وہ یاد رکھیں آج اپنے اصل مالکوں کے کہنے پر پنگا اس نے خود لیا ہے۔ جنہوں نے ویزہ کینسل کروایا انہوں نے اسے اطلاع دی اور کھیل شروع کرنے کا کہا۔ چلو پھر کھیلتے ہیں۔
— Imran Khan (@ImranRiazKhan) December 7, 2022
اپنی ٹوئٹ میں عمران ریاض نے کہا کہ مونس الہی نے صلح کیلئے جس کی سفارش کروائی وہ یاد رکھیں آج اپنے اصل مالکوں کے کہنے پر پنگا اس نے خود لیا ہے۔ جنہوں نے ویزہ کینسل کروایا انہوں نے اسے اطلاع دی تھی ۔
