نواز شریف واپسی کیس؛ فواد چوہدری کا فریق بننے کیلئے سپریم کورٹ سے رجوع

پاکستان تحریک انصاف (پی ٹی آئی) کے رہنما فواد چوہدری نے  پاکستان مسلم لیگ نواز (پی ایم ایل این) سے متعلق کیس میں فریق بنائے جانے کی درخواست کو مسترد  ہونے پر سپریم کورٹ سے رجوع کرلیا۔

تحریک انصاف (پی ٹی آئی) کے رہنما فواد چوہدری نے مسلم لیگ نواز (پی ایم ایل این) سے متعلق کیس میں فریق بننے کی درخواست لاہور ہائیکورٹ سے مسترد ہونے کے بعد  سپریم کورٹ (ایس سی پی) سے رجوع کرلیا ہے۔

یہ بھی پڑھیے

اعتزاز احسن کی آئین بچاؤ مہم؛ نامور وکلاء کا گول میز کانفرنس کا اعلان

پی ٹی آئی رہنما نے دلیل دی کہ نوازشریف  کو بیرون ملک جانے کی اجازت دینے کے وقت وزیر اعظم شہباز شریف نے ضمانت دی تھی کہ ان کے بھائی پاکستان واپس آئیں گے۔

فواد نے اس سے قبل لاہور ہائیکورٹ میں جاری کیس میں فریق بننے کی درخواست دائر کی تھی جسے ہائیکورٹ نے مسترد کردیا تھا۔

فواد چوہدری نے لاہور ہائیکورٹ سے درخواست مسترد ہونے پر سپریم کورٹ سے رجوع کرلیا۔ سپریم کورٹ میں اپنی درخواست میں انہوں نے موقف اختیار کیا ہے کہ نواز شریف مفرور مجرم ہیں اور شہبازشریف نے ان کے ضامن کے طور پر کام کرنے کے بجائے انہیں سفارتی پاسپورٹ جاری کیا۔

فواد نے عدالت سے استدعا کی کہ وہ لاہور ہائیکورٹ کو حکم دیا جائے کہ وہ اسے اس کیس میں فریق بنائے۔ انہوں نے سوال کیا کہ کیا بینچ کے پاس "درخواست میں شامل حقائق اور قانون کے نکات پر بحث کیے بغیر درخواست گزار کی درخواست کو خارج کرنے کا جواز ہے۔

پی ٹی آئی رہنما نے یہ بھی سوال کیا کہ کیا بنچ نے "آئین کے بنیادی حقوق کے باب میں ضمانت دیے گئے پاکستانی عوام کے حقوق کو مدنظر نہیں رکھتے ہوئے درخواست گزار کی متفرق درخواست کو بجا طور پر مسترد کردیا۔

یہ بھی پڑھیے

سپریم کورٹ پریکٹس اینڈ پروسیجر بل کے خلاف درخواستیں کل سماعت کے لیے مقرر

درخواست کے مطابق، لاہور ہائیکورٹ نے فواد کی درخواست کو "جس میں عوامی اہمیت اور ملک کے وسیع تر مفاد عامہ کے قانون کے نکتے کو شامل کیا تھا” کو خارج کرنے کا "جائز نہیں تھا۔

درخواست میں استدعا کی گئی ہے کہ لاہور ہائی کورٹ کے فیصلے کو نصاف کے مفاد میں ایک طرف رکھا جائے” اور فواد کو لاہور ہائی کورٹ میں زیر التوا مذکورہ کیس میں "بطور فریق بنانے کا حکم دیا جائے۔