نورجہاں کی حالت تشویشناک؛ کراچی چڑیا گھر بند کرنے کا مطالبہ سامنے آگیا

کراچی کے چڑیا گھر میں موجود نور جہاں نامی ہتھنی کی حالت انتہائی تشویشناک ہوگئی ہے جبکہ حکومت سندھ پر دباؤ ڈالا جا رہا ہے کہ کراچی زو کو بند کردیا جائے۔

حکومت سندھ کی جانب سے فنڈز کی عدم فراہمی پر کراچی کے چڑیا گھر میں جانوروں کا کھانا پینا بند کردیا گیا ہے۔ خوراک کی عدم دستیابی کی وجہ سے مشہور ہتھنی نورجہاں کی حالت تشویشناک ہوگئی ہے۔

یہ بھی پڑھیے

دودھ پلائی کی رسم کیلیے شادی میں بھینس کی آمد، ایان علی  کا اظہار برہمی

چڑیا گھر میں جانوروں کا کھانے فراہم کرنے والی کمپنی نے وزیر بلدیات اور ایڈمنسٹریٹر کراچی کو خط لکھا جس میں گزشتہ بل کی ادائیگی کا مطالبہ کرتے ہوئے کھانے کی فراہمی بند کرنے کا بتایا گیا تھا۔

چڑیا گھر میں جانوروں کو خوراک کی عدم فراہمی سے بہت سے جانور مرچکے ہیں جبکہ کراچی زو کی مشہور و معروف ہتھنی نورجہاں کی حالت انتہائی تشویشناک ہوچکی ہے۔

پیپلز پارٹی کے رہنما آصفہ بھٹو نے سندھ حکومت کو کراچی کا ثریا گھر فوری طور پر بند کرنے کی ہدایت جاری کی ہے جبکہ دیگر سماجی شخصیات نے بھی یہ مطالبہ دہرایا ہے۔

ذولفقار علی بھٹو جونیئر نے اپنے ایک پیغام میں کہا ہے کہ ہم سب نورجہاں ہم ہیں، وہ اس ملک، صوبے، کراچی کے عوام کی نمائندگی کرتی ہے۔

Noor Jehan is us – she represents the ppl of this country, province, of Karachi. A migrant, caged, abused, exploited and starved. The same institutions responsible for her deterioration have been responsible for the decay of our once proud city, province and people.

— Zulfikar Ali Bhutto ذوالفقار علي ڀٽو (@BhuttoZulfikar) April 17, 2023

انہوں نے کہا کہ ایک غیرملکی ہتھنی، پنجرے میں بند، بدسلوکی، استحصال اور بھوک کا شکار۔ اس کے بگاڑ کے ذمہ دار وہی ادارے ہیں جو ہمارے قابل فخر شہر، صوبے اور لوگوں کی زوال پذیری کے ذمہ دار ہیں۔

ایک امریکی این جی او نے نورجہاں کی تصویر شیئر کرتے ہوئے کہا کہ ہمیں آپ کو یہ بتاتے ہوئے دکھ ہو رہا ہے کہ مقامی ٹیم کی بہترین کوششوں اور فور PAWS کی جانب سے جاری تعاون کے باوجود نور جہاں کی حالت بہتر نہیں ہو رہی ہے۔

#KarachiZoo Update: We are saddened to inform you that despite the best efforts of the local team and ongoing support from FOUR PAWS, Noor Jehan is not improving. pic.twitter.com/acN0YMUx3J

— FOUR PAWS USA (@FOURPAWSUSA) April 17, 2023

دوسری جانب شہر کی سماجی شخصیات نے کراچی کا چڑیا گھر بند کرنے کو زمین پر قبضے کا معاملہ قرار دے دیا ہے، شہر قائد کی سماجی شخصیات نے کہا کہ بجائے چڑیا گھر بند کرنے کے وہاں موجود جانوروں کی بہترین دیکھ بھال کی جائے۔

اطلاعات کے مطابق ایک طویل عرصے سے کراچی کا چڑیا گھر بند کرنے کی کوشش کی جارہی ہے، ناظم کراچی نعمت اللہ خان اور مصطفیٰ کمال کے دور میں بھی کوشش کی گئیں تاہم اسے ناکام بنایا گیا۔