کراچی کا ورثہ نشانے پر، فریئر ہال کے بعد ایک اور تاریخی عمارت سرنگاتی کو نقصان

محکمہ ثقافت سندھ کی مبینہ غفلت کے باعث کراچی کا تاریخی ورثہ تیزی سے  مٹ رہا ہے۔ تاریخی ورثے میں شامل فریئر ہال کے اطراف سے آہنی جنگلا چوری ہونے  کے بعد کراچی کے پہلے  آرٹ اسکول اور برطانوی کی عمارت سرنگاتی کے دروازے  پر موجود اس کے  نام کے حروف چوری ہوگئے۔

سندھ سے تعلق رکھنے  والی  سماجی کارکن اور ماہر تعمیرات ماروی مظہر نے اپنے ٹوئٹ میں محکمہ ثقافت سندھ کے شعبہ تعلقات عامہ اور وزیر ثقافت سردار شاہ کو مخاطب کرتے ہوئے اس مسئلے کو اجاگر کیا ہے۔

یہ بھی پڑھیے

ماروی مظہر نے ڈی ایچ اے فیز 8 کی متنازع زمین پر تعمیرات کا مسئلہ اٹھادیا

ماہر تعمیرات ماروی مظہر نے سندھ کے تعلیمی ڈھانچے میں خامیوں کی نشاندہی کردی

انہوں نے اپنے  ٹوئٹ میں لکھاکہ ”تشویشناک صورتحال ہے،فریئر ہال کا تمام  آہنی جنگلا چوری ہوگیا جس کی مرمت پر ریاست کا پیسہ خرچ ہوتا ہے،اب تاریخی ورثے کی حامل عمارتوں کے نشانات بھی توڑ دیے  گئے ہیں۔

Alarming conditions. After Frere Hall entire iron fence being stolen where state money is spent on its maintenance’s, now iconic heritage buildings signages are vandalised. Anywhere else in the world these signages are part of historic documentation. @PROSindhCTA @sardarshah1 pic.twitter.com/ebmBbDGJO4

— Marvi Mazhar (@marvimazhar) May 24, 2023

انہوں نے مزید کہاکہ دنیا بھر میں کہیں بھی یہ نشانات  تاریخی دستاویزات کا حصہ ہوتے ہیں۔انہوں نے بتایا کہ ان نشانات کو تقریباً 80 سال قبل ویلڈ کیاگیا تھا۔ثقافتی ورثے کے نشانات یہ جاننےکیلیے اہم ہوتے  ہیں کہ شہر کی موجودہ ثقات کیا ہے،یہ ہجرتوں، خاندانوں اور بہت سے چیزوں کے درمیان تعلق کا ذریعہ ہوتے ہیں۔

Sarnagati is a very special iconic building of Oldtown ! It housed first art school and British Library of karachi. To read more go to our blog: https://t.co/qxT0s9MMAE pic.twitter.com/YeqH3OfCoK

— Marvi Mazhar (@marvimazhar) May 24, 2023

ماروی مظہر نےکہا کہ مجھے امید ہے ابلاغ اور گرافکس  کی تعلیم دینے والے ادارےآگے آئیں گے اور آگہی کے پروگرامات شروع کریں گے۔انہوں نے بتایا کہ  سرنگاتی قدیم شہر کی ایک بہت ہی خاص مشہور عمارت ہے، اس میں کراچی کا پہلا آرٹ اسکول اور   برٹش لائبریری تھی۔

Show cause notice issued for vandalism. Owner advised to stop illegal activities & submit conservation plan by May 29, 2023. Our team will guide beautification. Appreciate your concern.@ahmed_kanasro pic.twitter.com/AfwKwBrd90

— Directorate General of Antiquities & Archaeology (@AntiquitieSindh) May 24, 2023

ماروی مظہر کے  ٹوئٹ پر تبصرہ کرتے ہوئے محکمہ ثقافت  سندھ  نے کہاکہ مذکورہ عمارت میں توڑپھوڑ پر اظہار وجوہ کا نوٹس  جاری کردیا  گیا ہے اور مالک کو ہدایت کی گئی ہےکہ غیرقانونی سرگرمیاں روک کر عمارت کی دیکھ بھال کا منصوبہ 29 مئی 2023 تک پیش کیا جائے۔ہماری ٹیم بحالی کے کام میں رہنمائی کرے گی۔