مجھے صرف ان 3 لوگوں سے خطرہ ہے جنہیں وزیرآباد حملے میں نامزد کیا، عمران خان

پاکستان  تحریک انصاف عمران خان  نے کہا کہ پوری قوم پر واضح کر دوں کہ میری جان کو صرف ان 3 افراد سےخطرہ ہے جنہیں میں نے وزیر آباد کے قاتلانہ حملے کے بعد نامزد کیا۔

عمران خان نے اپنی جان کو غیر ملکی ایجنسیوں سے لاحق خطرات کے حوالے سے وزیر داخلہ رانا ثنااللہ کے دعوے کو مسترد کردیا۔

یہ بھی پڑھیے

ضامن بننا یا پنچایت لگانا سپریم کورٹ کا کام نہیں، وزیراعظم شہباز شریف

عدالت عظمیٰ پارلیمان کی عزت و توقیر کا خیال رکھے، اسپیکر قومی اسمبلی کا چیف جسٹس کے نام خط

سماجی رابطے کی ویب سائٹ ٹوئٹر پر جاری کردہ بیان میں  عمران خان نے کہا کہ ” وزیر داخلہ کہتا ہےکہ میری جان کو بیرونی ایجنسیوں سے خطرہ ہے، میں پوری قوم پر واضح کر دوں کہ میری جان کو صرف ان 3 افراد سےخطرہ ہے جنہیں میں نے وزیر آباد کے قاتلانہ حملے کے بعد نامزد کیا“ ۔

نے 18 مارچ کو اسلام آباد کےجیوڈیشل کمپلیکس میں مجھے ختم کرنے کی کوشش کی۔ اب اگر پھر سےمجھ پر حملہ آور ہونے کی کوشش کی جاتی ہے تو یہی لوگ ذمہ دار ہوں گے۔جیسے انہوں نے وزیرآباد حملے کا الزام ایک مذہبی جنونی، جوکہ محض ایک دھوکہ تھا، پر دھرنے کی کوشش کی

— Imran Khan (@ImranKhanPTI) April 26, 2023

عمران خان نے مزید کہاکہ” ان تینوں سمیت مزید 3 لوگ،جن کی نشاندہی میں ایک ویڈیو پیغام میں کرچکا ہوں نے 18 مارچ کو اسلام آباد کےجیوڈیشل کمپلیکس میں مجھے ختم کرنے کی کوشش کی۔ اب اگر پھر سےمجھ پر حملہ آور ہونے کی کوشش کی جاتی ہے تو یہی لوگ ذمہ دار ہوں گے۔جیسے انہوں نے وزیرآباد حملے کا الزام ایک مذہبی جنونی، جوکہ محض ایک دھوکہ تھا، پر دھرنے کی کوشش کی“۔

انہوں نےکہا کہ” بعینہ اسی طرح اب یہ بیرونی ایجنسیوں کی آڑ میں ایک اور شیطانی چال چلنے کی کوششیں کر رہے ہیں ، میں قوم پر بالکل واضح کر دینا چاہتے ہیں کہ میری  کی جان لینے کی کسی بھی کوشش کے ذمے دار وہی لوگ ہوں گے جن کی نشاندہی  میں  کرچکا ہوں“ ۔

انہیں یہ خوف اندر سے کھائے جا رہا ہے کہ میں منتخب ہو کرپھر سے اقتدار میں آ جاؤں گا اور انکا محاسبہ کروں گا چنانچہ میرےقتل کی کوششوں میں ہلکان ہوئےجاتے ہیں۔

— Imran Khan (@ImranKhanPTI) April 26, 2023

چیئرمین پی ٹی آئی نے مزید کہا کہ” انہیں یہ خوف اندر سے کھائے جا رہا ہے کہ میں منتخب ہو کرپھر سے اقتدار میں آ جاؤں گا اور ان کا محاسبہ کروں گا چنانچہ میرے قتل کی کوششوں میں ہلکان ہوئےجاتے ہیں“ ۔