سنگا پور کے وزیراعظم کا ملک میں ہم جنس پرستی سے پابندی ہٹانے کا اعلان
سنگا پور کے وزیراعظم لی شین لونگ نے کہا کہ حکومت تعزیرات کی دفعہ 377 اے کو منسوخ کرے گی جوکہ نوآبادیاتی دور کا قانون ہے جس کے تحت ہم جنس پرستی کو جرم قرار دیا گیا ہے
![Prime Minister, Singapore, وزیراعظم ، سنگاپور](https://news360.tv/wp-content/uploads/2022/08/Singapur.jpg)
سنگاپور کے وزیراعظم لی شین لونگ نے کہا ہے کہ جلد ہم جنس پرستوں پر نوآبادیاتی دورکی پابندی ختم کردی جائے گی جس سے ہم جنس پرستوں کو درپیش مشکلات کا خاتمہ ہوگا اور انہیں راحت ملے گی۔
سنگاپور کے وزیراعظم لی شین لونگ نے قوم سے خطاب میں ملک میں رائج ہم جنس پرستی کے خلاف قانون کو ختم کرنے کا اعلان کرتے ہوئے کہا ہے کہ اس سے ہم جنس پرستوں کو سہولت اور راحت پہنچے گی۔
یہ بھی پڑھیے
سنگاپور نے متنازع بالی ووڈ فلم ‘کشمیر فائلز’ پر پابندی لگا دی
لی شین لونگ نے کہا کہ حکومت تعزیرات کی دفعہ 377 اے کو منسوخ کرے گی جوکہ نوآبادیاتی دور کا قانون ہے جس کے تحت ہم جنس پرستی کو جرم قرار دیا گیا ہے ۔
سنگاپوری وزیراعظم نے کہا کہ ہمارا معاشرہ ہم جنس پرستوں کو قبول کرنے والا ہوتا جارہا ہے۔ مجھے یقین ہے کہ یہ کرنا صحیح کام ہے اوروہ چیز جسے اب زیادہ تر سنگاپوری قبول کریںگے۔
#UPDATE Singapore's Prime Minister Lee Hsien Loong announced Sunday the country will repeal a colonial-era law criminalising gay sex, though he maintained that the government will continue to "uphold" marriage as between a man and a woman. pic.twitter.com/G1FdJtzHnW
— AFP News Agency (@AFP) August 21, 2022
لی شین نے کہا کہ گرچہ ہم دفعہ 377A کو منسوخ کررہے ہیں تاہم شادی کے متعلق قوانین بر قرار رہے گے جس کے تحت مرد و عورت کی شادی کو تسلیم کیا جائے گا ۔
سنگا پور میں ہم جنس افراد کے مابین جنسی تعلق پر عائد پابندی ختم کر نے کے اس فیصلے کو ایل جی بی ٹی کیو (LGBTQ)برادری کے حقوق کے تحفظ کی سمت ایک اہم قدم قرار دیا جا رہا ہے۔
واضح رہے کہ سنگا پور کے ہم جنس پرست افراد طویل عرصے سے اس پابندی کو ختم کرنے کا مطالبہ کر رہے تھے ۔ان کا کہنا تھا کہ یہ ایک نارواء اور امتیازی سلوک ہے ۔