شہروز کاشف سمیت 3 پاکستانی کوہ پیماؤں نے 10 ویں بلندترین چوٹی اناپورنا سرکرلی
شہروز کاشف دنیا کی 11 بلند ترین چوٹیاں سر کرنے والے کم عمر ترین کوہ پیما بن گئے، شہروز کاشف نے پاکستانی خاتون کوہ پیما نائلہ کیانی کےساتھ آج صبح 8ہزار 91 میٹر بلند ماؤنٹ اناپورنا سرکی، ساجد سدپارہ نے بھی ہفتے کو اسی چوٹی کو سرکیا تھا۔
شہروز کاشف سمیت 3 پاکستانی کوہ پیماؤں نے 8ہزار 91 میٹر بلند دنیا کی 10 ویں بلند ترین چوٹی اناپورنا سر کرلی۔
شہروز کاشف دنیا کی 11 بلند ترین چوٹیاں سر کرنے والے کم عمر ترین کوہ پیما بن گئے۔
یہ بھی پڑھیے
کوہ پیما شہروز کاشف نے مزید 2 گنیز بک آف ورلڈ ریکارڈ اپنے نام کرلیے
عالمی ریکارڈ یافتہ پاکستانی کوہ پیما شہروز کاشف حکومتی بے اعتنائی پر پھٹ پڑے
21سالہ شہروز کاشف نے آج صبح 6بجکر 31 منٹ پر خاتون پاکستانی کوہ پیما نائلہ کیانی کے ساتھ 8ہزار 91میٹر بلندماؤنٹ اناپور کو سر کرلیا۔گزشتہ روز ساجد سدپارہ نے بھی اس چوتی کو بغیر آکسیجن کے سر کرنے کااعزاز حاصل کیا تھا۔
💥💥Big News💥💥
Shehroze Kashif has successfully summited the 10th highest peak in the world,#annapurna at 6:31 PST, which stands at 8,091 meters, in Nepal today. He is now youngest person in the world to summit 11 peaks above 8000 m#PakistanOnAnnapurna2023 #ShehrozeKashif pic.twitter.com/wZMu6tfMUS
— Shehroze Kashif (broadboy) (@Shehrozekashif2) April 17, 2023
21 سالہ شہروز کاشف 8 ہزار میٹر سے بلند 11 چوٹیاں سر کرنے والے دنیا کے کم عمر کوہ پیمابن گئےہیں ، وہ11 بلند چوٹیاں سر کرنے والے دوسرے پاکستانی کوہ پیما ہیں۔اس سے قبل گلگت سے تعلق رکھنے والے سرباز علی خان اب تک 12 بلند ترین چوٹیاں سر کر چکے ہیں۔
شہروز کاشف 8 ہزار میٹر سے بلند تمام 14 سر کرنے والے کم عمر ترین ایتھلیٹ بننا چاہتے ہیں، وہ اگلے مرحلے میں داؤ لاگیری کی چوٹی کو سر کریں گے۔نوجوان کوہ پیماء اس سے قبل براڈ پیک، ایوریسٹ، کے ٹو، مناسلو ، کنچنگجونگا، لوٹسے، مکالو ، نانگا پربت، گیشربرم ون اور ٹو سر کرچکے ہیں۔
View this post on Instagram
شہروز کاشف کے ساتھ پاکستان کی خاتون کوہ پیما نائلہ کیانی نے بھی 8 ہزار 91 میٹر بلند دنیا کی دسویں بلند ترین چوٹی اناپورنا کو سر کر لیا،وہ اس چوٹی کو سر کرنے والی پہلی پاکستانی خاتون بن گئیں۔
نائلہ کیانی پیر کی صبح ماؤنٹ انا پورنا کے ٹاپ پر پہنچیں ۔نائلہ کیانی اس سیزن میں ماؤنٹ ایوریسٹ اور لوٹسے بھی سر کریں گی۔
View this post on Instagram
واضح رہے کہ نائلہ 8 ہزار میٹر سے بلند 4 چوٹیاں سر کرنے والی پہلی پاکستانی خاتون ہیں، وہ اس سے قبل کے ٹو، گیشربرم ون اور گیشربرم ٹو سر کرچکی ہیں۔
The beautiful & hard earned summit of Mt Annapurna 8091m #Annapurna2023 pic.twitter.com/KxuBrXwN8i
— Sajid Ali Sadpara (@sajid_sadpara) April 16, 2023
قبل ازیں عظیم پاکستانی کوہ پیما علی سدپارہ کے فرزند ساجد سدپارہ نےہفتے کی صبح 11 بجے ماؤنٹ اناپورنا کو بغیر آکسیجن سر کیا تھا۔ساجد سدپارا 8 ہزار میٹر سے بلند تمام 14 چوٹیاں بغیر مصنوعی آکسیجن سر کرنے کا عزم رکھتے ہیں۔
اس سے قبل انہوں نے کے ٹو، مناسلو، گیشربرم ون اور گیشربرم ٹو بھی بغیر مصنوعی آکسیجن سر کیے، وہ آنے والے دنوں میں ماؤنٹ مکالو، دالواگیری اور کنچن جنگا بھی سر کریں گے۔
