اہم کھلاڑیوں کے بغیر انڈیا نے آسٹریلیا کو شکست دے دی
انڈیا اور آسٹریلیا کے درمیان سنسنی خیز میچ نے پاکستان سمیت دنیا بھر کے کرکٹ شائقین کی توجہ اپنی جانب مبذول کرالی۔
انڈین کرکٹ ٹیم کے مایہ ناز بلے باز ویرات کوہلی اور بالر جسپرت بُمراہ سمیت اہم کھلاڑیوں کے بغیر اور ناتجربہ کار باؤلرز کے ساتھ انڈیا نے برسبین میں چوتھے ٹیسٹ میں آسٹریلیا کو شکست دے دی ہے۔
چوتھی اننگ میں 336 رنز کے تعاقب میں انڈین ٹیم آسٹریلیا پر حاوی رہی۔ شوبن گل نے 91، جبکہ پجارا نے 56 رنز بنائے۔
رشاب پنتھ ناقابل شکست رہے جنہوں نے اپنی ٹیم کے لیے سیریز جیتنے میں اہم کردار ادا کیا۔
انڈیا اور آسٹریلیا کے درمیان سنسنی خیز میچ نے پاکستان سمیت دنیا بھر کے کرکٹ شائقین کی توجہ اپنی جانب مبذول کرالی۔ حالانکہ پاکستانی ٹیم اِس میچ میں شریک نہیں تھی لیکن اُس کے باوجود پاکستان میں بھی آسٹریلیا بمقابلہ انڈیا ٹاپ ٹرینڈ بن گیا۔
مداحوں نے ویرات کوہلی کی عدم موجودگی میں آسٹریلوی پیسرزکے خلاف انڈین بلے بازوں کی جارحانہ کارکردگی کی تعریف کی ہے۔
یہ بھی پڑھیے
پاکستان کے پاس 14 سال بعد جنوبی افریقہ سے بدلہ لینے کا موقع
What a thrilling finish of #INDvAUS Test series. Amazing chase of 327 runs on last day of last match by India to defeat mighty Australians. From once 36 all out to win series is what makes Test Cricket worth enjoying. Congrats to Indian players for such a feast for cricket fans.
— Rauf Klasra (@KlasraRauf) January 19, 2021
محمد سراج نے دوسری اننگ میں پانچ وکٹیں حاصل کیں۔ برسبین ٹیسٹ سے قبل محمد سراج کے والد انتقال کر گئے تھے لیکن انہوں نے اپنی ٹیم کے ساتھ ہی رہنے کا فیصلہ کیا۔
🇮🇳 has won the greatest comeback in a series ever. We mocked them with 36 and they showed the 🌍 that they’ll win the series with (all due respect to this side) their B side. Congratulations India. 🇮🇳 is definitely a top 🏏 playing nation winning in 🇦🇺 twice in a row. #AUSvsIND
— Haroon Shahid (@Haroon_5hahid) January 19, 2021
انڈیا نے آسٹریلیا کی سرزمین پریہ ٹیسٹ سیریز 2-1 سے جیت لی ہے۔
