جاوید آفریدی سوشل میڈیا پر بدنام ہوگئے

سوشل میڈیا صارفین کا کہنا ہے کہ جاوید آفریدی نے ٹیم میں بہتر کھلاڑیوں کے بجائے خوبصورت لڑکیوں کا انتخاب کیا ہے۔

پاکستان سپر لیگ (پی ایس ایل) کی ٹیم پشاور زلمی کے مالک جاوید آفریدی کو ان دنوں سماجی رابطوں کی ویب سائٹ ٹوئٹر پر شدید تنقید کا نشانہ بنایا جارہا ہے۔ اداکاراؤں کے بعد پارٹی گرل دنانیر کو ٹیم کا حصہ بنانے پر صارفین برہمی کا اظہار کررہے ہیں۔

ایک طرف پی ایس ایل 6 کے میچز جاری ہیں تو دوسری جانب ایونٹ کی مشہور ٹیم پشاور زلمی کے مالک جاوید آفریدی ٹوئٹر سمیت مختلف سوشل میڈیا پلیٹ فارمز پر شدید تنقید کی زد میں ہیں۔ ٹوئٹر صارفین کا کہنا ہے کہ جاوید آفریدی نے ٹیم میں بہتر کھلاڑیوں کے بجائے برانڈ ایمبیسیڈر کے طور پر خوبصورت لڑکیوں کا انتخاب کیا ہے۔

ترک اداکارہ ایسرا بیلجک، پاکستانی کی معروف اداکارہ ماہرہ خان اور ہانیہ عامر پشاور زلمی کی برانڈ ایمبیسیڈر ہیں۔ سوشل میڈیا پر جاوید آفریدی کے خلاف محاذ اس وقت بنا جب پارٹی گرل دنانیر مبین بھی ٹیم کا حصہ بن گئیں۔

جاوید آفریدی ٹوئٹر تنقید

یہ بھی پڑھیے

جاوید آفریدی کی کرونا ویکسین کے تناظر میں اہم اپیل

پشاور زلمی کے پہلے میچ میں دنانیر ٹیم کی آفیشل ٹی شرٹ زیب تن کیے جاوید آفریدی کے ہمراہ گراونڈ میں نظر آئیں۔ دونوں نے ساتھ بیٹھ کر میچ دیکھا اور سوشل میڈیا پر تصاویر وائرل ہوئیں تو صارفین نے جاوید آفریدی کو آڑے ہاتھوں لے لیا۔

کراچی نیشنل اسٹیڈیم میں آج شام 7 بجے ایونٹ کا پانچواں میچ کھیلا جائے گا جس میں پشاور زلمی اور ملتان سلطانز ایک دوسرے کے مدمقابل ہوں گی۔ اب دیکھنا یہ ہے کہ آج جاوید آفریدی کے ہمراہ گراؤنڈ میں کون سی ‘زلمی’ حسینہ ہوگی۔

Facebook Comments