ڈیرن سیمی نے جاوید آفریدی کی باربی کیو پارٹی ہٹ کرادی
دعوت میں مہمانوں کی تواضع افغانی بوٹی، دم پخت، تکوں اور کباب سے کی گئی تھی۔
پاکستان سپر لیگ (پی ایس ایل) کی مشہور ٹیم پشاور زلمی کے مالک جاوید آفریدی نے کوچ ڈیرن سیمی اور ہاشم آملہ سمیت کھلاڑیوں کو پشاور کے روایتی انداز میں عشائیہ دے کر دل جیت لیے۔ ڈیرن سیمی نے تکے اور کباب تیار کرکے باربی کیو پارٹی کو یادگار بنا دیا۔
جاوید آفریدی اپنی ٹیم پشاور زلمی کے کھلاڑیوں کی خاطر تواضع کرنے میں کوئی کسر نہیں چھوڑتے ہیں۔ اس مرتبہ بھی انہوں نے روایت برقرار رکھی اور پشاور زلمی کے کوچ ڈیرن سیمی، بیٹنگ کوچ ہاشم آملہ ، کپتان وہاب ریاض اور کامران اکمل کو زبردست عشائیہ دیا۔
مہمانوں کی تواضع افغانی بوٹی، دم پخت، تکوں اور کباب سے کی گئی تھی۔ ڈیرن سیمی نے دعوت کے میزبان جاوید آفریدی کے ہمراہ کباب اور بوٹیاں تیار کرکے باربی کیو پارٹی کو یادگار بنا دیا۔ تمام مہمانوں کو دسترخوان پر کھانا پیش کیا گیا۔
کھانے کے بعد کھلاڑیوں کو روایتی کلہ بھی پہنایا گیا۔ جاوید آفریدی کی اس زبردست دعوت کی ویڈیو یوٹیوب کے علاوہ سماجی رابطوں کی ویب سائٹ ٹوئٹر پر زلمی کے آفشل اکاؤنٹ سے بھی جاری کی گئی ہے۔
Zalmi Dinner:
Head Coach Peshawar Zalmi @darensammy88 along with @amlahash, @WahabViki and @KamiAkmal23 hosted by @JAfridi10
Follow Zalmi TV on YouTube for more! https://t.co/u8qM359vcB#Zalmi #YellowStorm #ZKingdom pic.twitter.com/SLyGR9F3PD
— PeshawarZalmi (@PeshawarZalmi) March 6, 2021
یہ بھی پڑھیے
جاوید آفریدی سوشل میڈیا پر بدنام ہوگئے
ویسٹ انڈیز کی کرکٹ ٹیم کے سابق کپتان ڈیرن سیمی نے اپنے ٹوئٹر پیغام میں لکھا کہ پاکستان میں کرکٹر کے بجائے ایک سیاح کے طور پر رہنا انہیں بےحد اچھا لگ رہا ہے۔
It’s great to finally see Pakistan as a tourist and not a cricketer 👌🏾👌🏾👌🏾
— Daren Sammy (@darensammy88) March 5, 2021
