وسیم اکرم کے دبئی میں سیر سپاٹوں پر تنقید
سابق کپتان نے ٹوئٹر صارف کو دماغی علاج کرانے کا مشورہ دے دیا۔
قومی کرکٹ ٹیم کے سابق کپتان وسیم اکرم کو دبئی میں چھٹیاں گزارے پر تنقید کا نشانہ بنایا گیا ہے۔ وسیم اکرم نے بھی سماجی رابطوں کی ویب سائٹ ٹوئٹر پر صارف کو کرارا جواب دے دیا۔
وسیم اکرم اور ان کی اہلیہ شنیرا اکرم اکثر و بیشتر کراچی کے مسائل پر حکومت کی توجہ مبذول کراتے رہتے ہیں لیکن ان دونوں یہ جوڑی آسٹریلیا اور دبئی میں موجود ہے۔
شنیرا اکرم اپنے بچوں کے ساتھ آسٹریلیا میں سیر سپاٹوں میں مصروف ہیں۔ شنیرا نے فوٹو شیئرنگ ایپ انسٹاگرام پر چڑیا گھر میں موجود اپنے دونوں بچوں کی تصاویر پوسٹ کی ہیں۔
View this post on Instagram
یہ بھی پڑھیے
شنیرا اکرم کا وسیم اکرم کی تصویر پر دلچسپ تبصرہ
دوسری طرف وسیم اکرم رمضان المبارک میں کام سے وقفہ لے کر دبئی میں بیٹے کے ہمراہ چھٹیاں گزار رہے ہیں۔ انہوں نے بھی انسٹاگرام پر دبئی میں گولف کھیلتے ہوئے تصویر شیئر کی ہے۔
View this post on Instagram
سابق فاسٹ بالر نے ٹوئٹر پر بتایا کہ دبئی کے دورے میں ان کا کچھ پرانے دوستوں سے ملنے کا اتفاق بھی ہوا ہے۔
Thoroughly enjoying a quiet Ramadan break in Dubai with my son. Good to catch up with a few friends too. Great weather, Great city! Thanks @dubaitourism @emirates
— Wasim Akram (@wasimakramlive) April 21, 2021
وسیم اکرم کی اس ٹوئٹ پر ایک طرف جہاں مداحوں نے خوشی کا اظہار کیا وہیں ایک صارف نے انہیں تنقید کا نشانہ بناتے ہوئے کہا کہ آپ کی اہلیہ اور صاحبزادی آسٹریلیا میں جبکہ آپ دبئی میں ہیں، ملک کو مشکل ترین دور میں چھوڑ کر باہر چلے گئے اب دنیا کو اس بارے میں بتا کر کیا پیغام دینا چاہتے ہیں؟
اس کمنٹ کے جواب میں وسیم اکرم نے صرف اتنا کہا کہ آپ کو علاج کی سخت ضرورت ہے۔
You need serious help . https://t.co/y3vS9H4BZi
— Wasim Akram (@wasimakramlive) April 21, 2021
سابق کپتان کے مداحوں نے ٹوئٹر پر صارف بشارت تنولی کا خوب مذاق اڑایا اور وسیم اکرم کو ایسے تبصروں پر توجہ نہ دینے کا مشورہ بھی دیا۔
Dont spoil your day sir..have a good time with family and friends… Lots of love from India…. 💐💐💐
— Sachin Bhise (@SachinBhise) April 21, 2021
