پی ایس ایل سے قبل پی سی بی اور میڈیا آمنے سامنے
وسیم خان نے میڈیا کے ارکان پر تنقید کرتے ہوئے سرکس کے جوکرز تک بول دیا تھا جس پر اب معافی مانگ لی ہے۔
پاکستان کرکٹ بورڈ (پی سی بی) کے چیف ایگزیکٹو وسیم خان نے پاکستانی میڈیا سے معافی مانگ لی ہے۔
وسیم خان نے سنیچر کے روز ایک انٹرویو کے دوران میڈیا کے چند ارکان پر تنقید کی تھی اور سرکس کے جوکرز تک بول دیا تھا۔ پاکستان سپر لیگ (پی ایس ایل) 6 کے آغاز سے قبل ہی وسیم خان کے بیان نے نیا تنازعہ پیدا کردیا تھا تاہم اب اپنے ایک بیان میں وسیم خان نے پاکستانی میڈیا سے معافی مانگی ہے۔ انہوں نے میڈیا سے گزارش کی ہے کہ جو ذاتیات پر اترتے ہیں وہ اس روش سے باز آجائیں۔
یہ بھی پڑھیے
ایک بیان میں وسیم خان نے کہا ہے کہ میرے الفاظ کا انتخاب غیرمناسب تھا جس پر مجھے افسوس ہے۔ میری پاکستان کرکٹ کے ساتھ وفاداری اور وابستگی پر میرے خلاف الزامات حاوی آگئے تھے۔ میں میڈیا کے ساتھ اپنے تعلقات مزید مضبوط کرنے کا منتظر ہوں لیکن مجھے امید ہے کہ وہ اپنا تجزیہ اور اسکروٹنی میرے کام، کارکردگی اور خدمات پر کریں گے۔
— PCB Media (@TheRealPCBMedia) June 7, 2021
وسیم خان کی جانب سے معافی مانگنے کے بعد بھی ان پر تنقید کا سلسلہ جاری ہے۔ سینیئر صحافی عبدالماجد بھٹی نے اپنے ٹوئٹر پیغام میں ایک تصویر جاری کی جس میں وسیم خان کو کراچی پریس کلب میں موجود دیکھا جاسکتا ہے۔ انہوں نے تصویر کے ساتھ لکھا کہ ’دسمبر میں کراچی پریس کلب میں موجود وسیم خان آج اسی کلب کے اراکین اور صحافیوں کے لیے بے ہودہ اور بازاری زبان استعمال کررہے ہیں۔ کراچی پریس کلب، کراچی یونین آف جرنلسٹس، پاکستان اسپورٹس رائٹرز فیڈریشن اور راولپنڈی اسلام آباد جرنلسٹس ایسوسی ایشن نے وسیم خان سے غیر مشروط معافی اور ان کی برطرفی کا مطالبہ کیا ہے۔
دسمبر میں کراچی پریس کلب میں موجود @TheRealPCB کےای اووسیم خان آج اسی کلب کے اراکین اورصحافیوں کے لئے بے ہودہ اور بازاری زبان استعمال کررہے ہیں۔کراچی پریس کلب،کے یوجے،پاکستان اسپورٹس رائٹرز فیڈریش اور رسجا نے وسیم سے غیر مشروط معافی اور ان کی برطرفی کا مطالبہ کیا ہے pic.twitter.com/b7x8uiPZFp
— Abdul Majid Bhatti (@bhattimajid) June 6, 2021
ایک اور ٹوئٹ میں عبدالماجد بھٹی نے لکھا کہ چیئرمین پی سی بی احسان مانی کو وسیم خان کو برطرف کردینا چاہیے۔
Ehsan Mani should fired him .@TheRealPCB CEO crossed all limits pic.twitter.com/s3syNqsA6Y
— Abdul Majid Bhatti (@bhattimajid) June 7, 2021
اسپورٹس اینکر یحییٰ حسینی نے بھی وسیم خان کے بیان کی مذمت کی ہے۔
— Syed Yahya Hussaini (@SYahyaHussaini) June 7, 2021
اسپورٹس جرنلسٹ عالیہ رشید نے بظاہر وسیم خان کی حمایت کرتے ہوئے لکھا کہ ’پی سی بی میں لوگ آتے جاتے رہیں گے۔ جو پاکستان کے لیے اچھا کام کرے اس کی حوصلہ افزائی کرنی چاہیے لیکن تنقید کرتے وقت اپنے منصب اور خاندان کو نہ بھولیں۔ جو آپ کہتے اور لکھتے ہیں وہ آپ کے خاندان کو ظاہر کرتا ہے۔‘
PCB main log aatay jaatay rahain gai. Jo pakistan kay liyey accha kaam karay ussay appreciate karain lakin criticise kartay waqt apnay mansab or khandan ko na bhoolain kyunkay aap jo boltay or likhtay hain wo apkay background ka pata daita hai. https://t.co/sbPm2L11dC
— Aalia Rasheed (@aaliaaaliya) June 7, 2021
