میسی نے تاریخ رقم کردی

میسی کی ٹرافی کے ساتھ لی گئی تصویر انسٹاگرام کی تاریخ میں سب سے زیادہ پسند کی جانے والی تصویر بن گئی۔

اسٹار فٹبالر لیونل میسی نے کوپا امریکا جیت کر اپنے مداحوں کا دل بھی جیت لیا۔ فوٹو شیئرنگ ایپ انسٹاگرام پر میسی کی ٹرافی کے ساتھ لی گئی تصویر انسٹاگرام کی تاریخ میں سب سے زیادہ پسند کی جانے والی تصویر بن گئی۔

ریو ڈی جنیرو کے مارا کانا اسٹیڈیم میں کھیلے گئے کوپا امریکا کے فائنل میں فتح سے ارجنٹینا کا کسی بڑی ٹرافی جیتنے کا انتظار 28 سال بعد ختم ہوا اور یہ سہرا لیونل میسی کے سر جاتا ہے۔

اسٹار فٹبالر نے کوپا امریکا جیت کر اپنے مداحوں کا دل بھی جیت لیا ہے۔ دنیا بھر میں میسی کے چاہنے والوں کی ایک بڑی تعداد موجود ہے۔ سوشل میڈیا پر بھی مداح میسی پر جان چھڑکتے ہیں یہی وجہ ہے کہ انسٹاگرام پر میسی کی ٹرافی کے ساتھ لی گئی تصویر انسٹاگرام کی تاریخ میں سب سے زیادہ پسند کی جانے والی تصویر بن گئی ہے۔ انسٹاگرام پر تصویر کو ایک کروڑ 90 لاکھ افراد نے پسند کیا۔

یہ بھی پڑھیے

میسی کو کوپا امریکا جتوا کر خود کو عظیم فٹبالر ثابت کرنا ہوگا

ایک ماہ قبل سماجی رابطوں کی ویب سائٹ فیس بک پر میسی کی پروفائل پکچر نے سب سے زیادہ پسند کی جانے والی تصویر کا ریکارڈ قائم کیا تھا۔ تصویر کو محض 22 گھنٹوں میں 30 لاکھ سے زائد صارفین نے پسند کیا تھا۔

واضح رہے کہ میسی سے پہلے یہ اعزاز سابق امریکی صدر باراک اوباما کی تصویر کو حاصل تھا۔

Facebook Comments Box