بولیویا کے خلاف میچ میں میسی نے کئی اعزاز اپنے نام کرلیے

اسٹار فٹبالر لیونل میسی نے ورلڈکپ کوالیفائر راؤنڈ میں بولیویا کے خلاف شاندار کارکردگی کا مظاہرہ کرتے ہوئے ہیٹ ٹرک کرلی۔ نامور کھلاڑی نے ساؤتھ امریکن انٹرنیشنل میچز میں 79 گول کرکے برازیل کے مایہ ناز فٹبالر پیلے کا ریکارڈ بھی توڑ دیا ہے۔

فیفا ورلڈکپ کے کوالیفائر میچز جاری ہیں۔ گزشتہ روز ارجنٹینا  اور بولیویا کے درمیان کھیلے گئے میچ میں اسٹار پلیئر لیونل میسی نے عمدہ کارکردگی دکھاتے ہوئے اپنی ٹیم کو کامیابی دلوائی اور کئی اعزاز اپنے نام کرلیے۔

بولیویا کے خلاف میچ میں لیونل میسی نے 3 گول کئے۔ میچ کے 14ویں منٹ میں انہوں نے پہلا گول کرکے برازیل کے لیجنڈ پلیئر کا 77 گولز کا ریکارڈ برابر کیا۔ اسٹار فٹبالر نے میچ کے 64 ویں اور 88ویں منٹ میں مزید 2 گول کرکے ہیٹرک کی۔

7⃣9⃣ Lionel Messi 🇦🇷
7⃣7⃣ Pele 🇧🇷
6⃣9⃣ Neymar 🇧🇷

⚽️⚽️⚽️ A treble against Bolivia has seen Lionel Messi become South America’s highest men’s international goalscorer

🔢 We pay tribute to the @Argentina maestro with quotes, stats, trivia and highlights

👉 https://t.co/tAOu3znjaS pic.twitter.com/9bksfbqRXB

— FIFA.com (@FIFAcom) September 10, 2021

میچ میں عمدہ کارکردگی کے ساتھ لیونل میسی نے برازیل کے لیجنڈ فٹبالر پیلے کا ریکارڈ بھی توڑ دیا۔ میسی 79 گولز کے ساتھ سب سے زیادہ گول کرنے والے جنوبی امریکی کھلاڑی بن گئے۔ برازیل کے لیجنڈ فٹبالر پیلے 77 گولز کے ساتھ دوسرے اور برازیل ہی کے مایہ ناز فٹبالر نیمار 69 گولز کے ساتھ تیسرے نمبر ہیں۔

THIS NUTMEG, THE ICE COLD FINISH, THE CELEBRATION, THE STADIUM SCREAMING MESSI, THE SEVERAL ANGLES..

I.N.S.A.N.E….. #MESSI 🐐7⃣🔜 pic.twitter.com/VPC0gUxSDe

— mx (SUSPENDED) (@MessiMX30i) September 9, 2021

یہ بھی پڑھیے

میسی کے بعد پی ایس جی کا مشہور یورپی برینڈ کے ساتھ معاہدہ طے پاگیا

کرونا کیسز کم ہونے کے باعث محدود شائقین کو میچ دیکھنے کی اجازت دی گئی ہے۔ ایک موقع پر گراؤنڈ میں شائقین کو دیکھ کر لیونل میسی آبدیدہ بھی ہوئے۔

واضح رہے کہ عالمی سطح  پر سب سے زیادہ گول کرنے کا ریکارڈ پرتگال کے کرسٹیانو رونالڈو کے پاس ہے۔ انہوں نے 180 میچز میں 111 گول کئے ہیں۔ فہرست میں ایران کے علی داعی 109 گولز کے ساتھ دوسرے اور ملائشیا کے مختار 89 گولز کے ساتھ تیسرے نمبر پر ہیں۔