کپتان بابر اعظم کی 2048 میں وزیراعظم  پاکستان بننے کی پیش گوئی

پاکستان مسلم لیگ نون کے رہنما اور وزیر دفاع خواجہ آصف نے قومی کرکٹ ٹیم کے کپتان بابراعظم کی 2048 میں وزیراعظم بننے کی پیش گوئی کردی ۔

پاکستان مسلم لیگ نون کے رہنما اور وزیر دفاع خواجہ آصف نے مائیکرو بلاگنگ سائٹ ٹوئٹر پر ٹی 20 ورلڈ  کپ کے اہم ترین میچ میں پاکستان کی بنگلہ دیش کے خلاف جیت پر قوم کو مبارک باد دی ۔

یہ بھی پڑھیے

ٹی 20 ورلڈ کپ: پاکستان کے ہاتھوں شکست ، بنگلادیش ٹائٹل کی دوڑ سے باہر

خواجہ آصف نے کہا کہ مبارک ہو پاکستانیوں ! تو ہم نے بنگلہ دیش کو شکست دی۔ اب ہم نیوزی لینڈ سے ٹی 20 کے  سیمی فائنل میں ملیں گے جبکہ بھارت کا مقابلہ انگلش ٹیم سے ہوگا ۔

وزیر دفاع نے کہا کہ ہم نیوزی لینڈ کو ہرائیں گے اور بھارت  کو انگلش ٹیم کے ہاتھوں شکست ہونی ہے  پھر فائنل میں ہم  انگلینڈ کا شکست دیں گے ۔

لیگی رہنما خواجہ آصف نے کہا کہ لگتا ہے 1992 کی تاریخ دہرائے جائے گی اور بابر اعظم 2048 میں ہمارے وزیراعظم ہوں گے۔

واضح رہے کہ 1992 میں پاکستان کرکٹ ٹیم نے  کرکٹ ٹیم کے سابق کپتان عمران خان کی  ورلڈ کپ کے فائنل میں انگلینڈ کو شکست دیکر ورلڈ کپ اپنے نام کیا تھا ۔

سابق کپتان عمران خان نے 1996 میں پاکستان تحریک انصاف کے نام سے  سیاسی جماعت  بنائی۔ پی ٹی آئی نے26 سال بعد پہلی مرتبہ حکومت سنبھالی جس کی قیادت بھی عمران خان نے ہے ۔

خواجہ آصف کی عمران خان پر بالواسطہ  تنقید پر سوشل میڈیا صارفین نے انہیں آڑے ہاتھوں لیا۔ لیگی رہنما پر  کڑی تنقید کی گئی ۔

اسامہ جیلانی نے ایک ٹوئٹر صارف نے خواجہ آصف کو مخاطب کرتے ہوئے کہاکہ  آپ لوگوں نے بابراعظم  کو بھی وزیراعظم نہیں بننے دینا، مریم بی بی نے اس وقت بھی یہی کہنا ہے مجھے کیوں نکالا ۔

Aap logon ne usko b nai bhanane dena maryam bibi ne tb b kehna mujhe kiun nikala 🤣🤣

— osama.jillani (@OJillani) November 6, 2022

حسن نقوی نامی ٹوئٹر ہینڈل سے خواجہ آصف سے سوال کیا گیا تھا کہ "اس کا مطلب یہ ہے کہ سیاست میں آنا صرف آپ کا اور آپ کی نسل کا حق ہے”؟۔

Its mean that its only ur and your generation right to be in politics?????????

— Hassan Naqvi (@Naqvi110J) November 6, 2022

اویس خان نیازی نامی ایک صارف نے لکھا کہ ہاں 2048 تک چیئرمین پی ٹی آئی عمران ہی وزیر اعظم بنیں گے ۔

Yes till 2048 imran khan will be be Prime Minister of Pakistan.

— Awais Khan Niazi (@AwaisNiaziISF) November 6, 2022

شہبازعلی نامی ایک ٹوئٹر ہینڈل سے کہا گیا کہ موجودہ کرپٹ مافیا جو شروع سے ہی قوم کو لوٹ رہے ہیں کے مقابلے میں وہ  کم از کم ایک ایماندار وزیراعظم ہوگا ۔

At least will be a honest PM, Compared to current Surving corrupt Mafia, who are looting the Nation since inception. Taking terms by negotiations. Fooling masses.

— Shahbaz Ali (@jiskani86) November 6, 2022