پنڈی ٹیسٹ سے ایک روز قبل کپتان سمیت 7 انگلش کرکٹرز بدہضمی کا شکار

17سال بعد پاکستان کا دورہ کرنے والی انگلش کرکٹ ٹیم کے  کپتان بین اسٹوکس سمیت 14 کھلاڑی اور آفیشلز راولپنڈی ٹیسٹ سے ایک روز قبل بدہضمی کاشکار ہوگئے۔

پاکستان اور انگلینڈ کے درمیان تین میچوں کی سیریز کا پہلا ٹیسٹ کل سے راولپنڈی کرکٹ اسٹیڈیم میں شروع ہو  گا۔ کپتان بین اسٹوکس کی طبیعت کی ناسازی کے باعث ٹیسٹ سیریز کی ٹرافی کی تقریب رونمائی بھی ملتوی کردی گئی ہے۔

یہ بھی پڑھیے

ایشیا کپ اور ورلڈ کپ کو لے کر پی سی بی اور بی سی سی آئی میں ٹھن گئی

سینئر اسپورٹس رپورٹر فیضان لاکھانی نے  انگلش ٹیم کے ترجمان کے حوالے سے بتایا ہے کہ انگلش ٹیم کے کپتان بین اسٹوکس سمیت متعدد کھلاڑی اور عملے کے ارکان کی طبیعت ناساز ہے اورانہیں ہوٹل میں آرام کا مشورہ دیا گیا ہے۔

Several players and staff members, including England captain Ben Stokes, are feeling unwell and have been advised to stay at the hotel to rest up.

– England team spokesman.

— Faizan Lakhani (@faizanlakhani) November 30, 2022

جیوز نیوز نے ذرائع کے حوالے سے بتایا ہے کہ  انگلش کرکٹ اسکواڈ کے 14افراد بدہضمی کا شکار ہوئے ہیں جن میں کپتان بین اسٹوکس  سمیت 7 کھلاڑی بھی ہیں۔انگلش کرکٹ بورڈ کے مطابق بین اسٹوکس کی طبعیت کی ناسازی کی وجہ سے دیگر کھلاڑی اور آفیشلز پنڈی اسٹیڈیم نہیں آئے۔

📍 Rawalpindi, Pakistan pic.twitter.com/ngZH1fC30C

— England Cricket (@englandcricket) November 28, 2022

ای سی بی کے مطابق انگلینڈ ٹیسٹ اسکواڈ کے متعدد کھلاڑی اور آفیشلز آج ہوٹل میں ہی ٹھہریں گے، کھلاڑیوں اور آفیشلز کو ہوٹل میں مکمل آرام کرنے کی ہدایت کی گئی ہے۔انگلش کرکٹ بورڈ کے مطابق ہیری بروک، زیک کرالے، کیٹن جیننگز، اولی پاپ اور جوائے روٹ پریکٹس کریں گے۔
واضح رہے کہ پاکستان اور انگلینڈ کے مابین راولپنڈی ٹیسٹ کل شروع ہوگا