ٹیلی گرام صارفین کی تعداد میں اضافہ
ایپس کی دوڑ میں واٹس ایپ کے قدم لڑکھڑائے تو سگنل اور بپ نے رفتار پکڑی مگر وہ آگے نہ نکل پائیں۔
واٹس ایپ کی نئی پالیسی سے پریشان صارفین تیزی سے ٹیلی گرام پر منتقل ہورہے ہیں جس کی وجہ سے ایپ کی مقبولیت میں روز بروز اضافہ ہوتا جارہا ہے۔ ٹیلی گرام صارفین کی تعداد 50 کروڑ تک پہنچ چکی ہے۔
دنیا بھر میں پیغام رسانی کی مقبول ترین ایپلیکیشن واٹس ایپ کونئی پرائیویسی پالیسی کی قیمت صارفین کی ناراضگی کی صورت میں ادا کرنی پڑرہی ہے۔ اس کے برعکس ٹیلی گرام کی مقبولیت کا اندازہ اس بات سے لگایا جاسکتا ہے کہ محض 3 روز میں ایپ کو 2 کروڑ سے زیادہ صارفین نے ڈاؤن لوڈ کرلیا۔ ٹیلی گرام کے دعوے کے مطابق مجموعی طور پر ٹیلی گرام ایپ کے صارفین کی تعداد 50 کروڑ تک جاپہنچی ہے۔
ٹیلی گرام 2013 میں متعارف کرائی گئی تھی لیکن وہ دورواٹس ایپ کے عروج کا تھا۔ پیغام رسانی کے لیے ٹیلی گرام کے بجائے واٹس ایپ کو ترجیح دی جاتی تھی۔ لیکن، واٹس ایپ کی متنازع پالیسی نے پانسہ پلٹ دیا ہے۔
یہ بھی پڑھیے
کیا ٹیلی گرام کا دور پھر آنے والا ہے؟
صارفین کی پسندیدگی کے باعث ٹیلی گرام ایپ میں اب نئے فیچرز بھی متعارف کرائے جارہے ہیں۔
Cloud Drafts let you start writing a message on one device and send it from another. All progress saves and syncs across your devices so you can finish typing – even if your phone runs out of battery. #TelegramTips pic.twitter.com/LT1MXeloUv
— Telegram Messenger (@telegram) January 18, 2021
iOS users can enable Announce Messages to have Siri read incoming notifications aloud in their headphones – turn up the volume for this one 😉 #TelegramTips. pic.twitter.com/1k18RaHTBY
— Telegram Messenger (@telegram) January 15, 2021
ایپس کی اس دوڑ میں جب واٹس ایپ کے قدم لڑکھڑائے تو سگنل اور بپ نے رفتار پکڑی مگر وہ آگے نہ نکل پائیں جبکہ ٹیلی گرام ریس میں اب تک سب سے آگے دکھائی دے رہی ہے۔
