ٹوئٹر کی سروسز کچھ دیر معطل رہنے کے بعد دوبارہ بحال ہوگئیں

پاکستان سمیت دنیا بھر میں مائیکرو بلاگنگ سائٹ ٹوئٹر  کی سروسز  کچھ دیر معطل  رہنے کے بعد دوبارہ بحال ہوگئیں ہیں۔ ٹوئٹر سروسز معطل ہونے سے دنیا بھر میں سوشل میڈیا ایپ کے صارفین کو شدید مشکلات کا سامنا کرنا پڑرہا تھا ۔

سماجی رابطوں کی سب سے بڑی ایپ ٹوئٹر کی سروسز اچانک معطل ہونے سے دنیا بھر کے کروڑوں صارفین کو شدید مشکلات کا سامنا کرنا پڑا تاہم انتظامیہ نے فوری طور پر ایکشن لیتے ہوئے درپیش مشکلات دور کرکے اپنی سروسز بحال کردیں ہیں۔

یہ بھی پڑھیے

ایمار گروپ  کے کراچی میں بنائے گئے پروجیکٹ کچے مکان ثابت ہوئے

جڑواں شہروں میں موسلا دھار بارش ، متعدد علاقے زیرآب، چھت گرنے سے ایک بچہ جاں بحق

سروس کی بندش کی کیا وجوہات ہو سکتی ہیں اس حوالے سے ٹوئٹر انتظامیہ کی جانب سے کوئی موقف سامنے نہیں آیا ہے۔

رپورٹس کے مطابق دنیا بھر میں موجود تقریباً 37 فیصد صارفین کو ایپلی کیشن میں خرابی کا سامنا ہے جبکہ 50 فیصد سے زائد صارفین کو کہنا ہے کہ ان کی سروس میں بندش آرہی ہے۔

پاکستان میں ٹوئٹر سروس کو بند ہوئے تقریباً آدھا گھنٹہ ہو گیا ہے مگر انتظامیہ کی جانب سے ابھی تک کوئی موقف سامنے نہیں آیا ہے۔

واضح رہے کہ رواں فروری اور مارچ میں ٹوئٹر کی سروس بند ہونے سے کروڑوں صارفین کو پیغام رسانی میں شدید دشواری کا سامنا کرنا پڑا تھا۔