موہنجو دڑو مشہور امریکی شو کاسموس کا موضوع

دنیا کے قدیم ترین شہروں میں شمار کیا جانے والا موہنجودڑو پاکستان کے صوبہ سندھ میں واقع ہے جسے مشہور امریکی پروگرام کاسموس میں موضوع بنیا گیا ہے۔ جس کے میزبان معروف ماہر فلکیات نیل ڈی گراس ٹائسن ہیں۔

موہنجو دڑو سندھی زبان کے الفاظ ہیں جن کے معنی ہیں ‘مُردوں کا ٹیلہ’۔  وادی سندھ کی تہذیب کا ساڑھے 4 ہزار سال قدیم شہر آج بھی محققین کے لیے باعث حیرت ہے۔

شہر کی باقیات سے نا صرف پرانے شہروں کی بلکہ وادی سندھ کی قدیم تہذیب جیسی قدیم ثقافت کی جدت بھی واضح ہوتی ہے جو 2500 سال قبل از مسیح پرانی ہے۔ یہ بھی ظاہر ہوتا ہے کہ یہ ماضی میں بہترین منصوبہ بندی سے بسایا گیا تھا۔ یہاں کی گلیاں ہوں یا نکاسی آب کا نظام ، ہر چیز کا ایک مناسب انتظام دکھائی دیتا ہے ۔ محققین کے مطابق یہ شہر 7 مرتبہ اجڑا اور بسایا گیا۔

یہ بھی پڑھیے

کراچی کے بہن بھائیوں کی 1000 سال سے زائد عمریں

موہنجو دڑو کے ٹیلے تقریبًا ڈھائی سو ایکڑ رقبے پر پھیلے ہوئے ہیں۔ کچھ ٹیلے 20تو کچھ کی بلندی 30فٹ تک ہے ۔ تاہم افسوس کی بات تو یہ ہے کہ یہ عظیم تاریخی ورثہ جس قدر اہمیت کا حقدار ہے پاکستان میں اسے وہ مقام نہیں مل پایا۔

وکی پیڈیا کے مطابق وادی سندھ کی قدیم تہذیب دیگر قدیم ثقافتوں جیسے قدیم مصر، میسوپوٹیمیا، منوآن اور نورٹے چکو جتنی قدیم تھی۔ بہترینن منصوبہ بندی سے بنائے گئے اِس قدیم شہر کی تاریخ اور اُس کے کھنڈرات میں دفن مہارت نے کاسموس جیسے موقر ٹی وی شو کی توجہ اپنی جانب مبزول کرائی ہے۔

لیکن پاکستان میں بدقسمتی سے اِس قدیم ورثے کو سیاحتی مقام کا درجہ حاصل نہیں ہو پایا ہے جبکہ عالمی اعتبار سے ایسا ہونا چاہیے تھا۔ حکومت یہاں چھپا قدیم ثقافت کا عکس دنیا بھر کو دکھا سکتی ہے اور تاریخ کے طلباء یہاں آکر تحقیقی کام کرسکتے ہیں مگر آج تک ایسا ممکن نہیں ہوسکا ہے۔

پاکستان میں اِس کے علاوہ بھی کئی قدیم ثقافتوں کے نشان موجود ہیں لیکن اُنہیں بھی اُن کی قدامت کے لحاظ سے دنیا کے سامنے پیش نہیں کیا جا رہا ہے جس کے وہ مستحق ہیں۔ اگر حکومت معاملے پر توجہ دے تو سیاحت، ارضیات اور آثارِقدیمہ کے شعبوں میں تحقیق و تدریس کی جاسکتی ہے اور اِس میں پاکستان مرکز ثابت ہو سکتا ہے۔