انڈیا میں عدالتوں کے عجیب و غریب فیصلوں سے عوام پریشان

انڈیا میں عدالتوں کے بے تکے فیصلوں نے عوام کو پریشان کردیا۔ سپریم کورٹ نے ویب سیریز تانڈو کے اداکاروں اور دیگر عملے کو تحفظ فراہم کرنے سے انکار کردیا۔ ادھر بومبے ہائی کورٹ نے ہراسگی سے متعلق دو متنازع فیصلے سنادیئے۔

انڈیا میں ہندو انتہا پسند نئی ویب سیریز تانڈو کی مخالفت میں کھڑے ہوگئے۔ بھارتیہ جنتا پارٹی (بی جے پی) کے رہنماؤں نے سیریز میں ہندوؤں کے مذہبی جذبات کو مجروح کیے جانے کا الزام عائد کرتے ہوئے مقدمہ درج کرایا۔ عملے نے سپریم کورٹ سے رجوع کیا۔ لیکن، عدالت نے عملے کو گرفتاری سے تحفظ فراہم کرنے کی درخواست مسترد کردی ۔

بالی ووڈ اداکارہ رچا چڈھا نے فیصلے پر عدم اعتماد کا اظہار کیا۔ سماجی رابطوں کی ویب سائٹ ٹوئٹر پر عدالت عظمیٰ کی ترجیحات کے تبصرے کے ساتھ پوسٹ شیئر کی۔

Priorities of the apex court ! https://t.co/nJNH6tn6oO

— TheRichaChadha (@RichaChadha) January 28, 2021

اداکارہ کونکنا سین شرما نے بھی ٹوئٹر پر فیصلے کو تنقید کا نشانہ بنایا۔

Almost all involved in the show have read the script and signed the contract! Let’s arrest the whole cast and crew? https://t.co/xbqbQ641D7

— Konkona Sensharma (@konkonas) January 28, 2021

دوسری جانب بومبے ہائی کورٹ نے ہراسگی کی نئی تعریف بیان کردی۔ عدالت کے مطابق اگر کوئی شخص کسی خاتون کا سینہ کپڑوں کے اوپر سے دباتا ہے تو وہ ہراسگی کے زمرے میں شمار نہیں کیا جائے گا۔

یہ بھی پڑھیے

ہندوانتہا پسند سیف علی خان سے پھر ناراض

بومبے ہائی کورٹ نے 12 سالہ بچی کے ہراسگی سے متعلق مقدمے کے متنازع فیصلے میں کہا کہ کسی نابالغ لڑکی کا ہاتھ پکڑنا یا اس کے سامنے پینٹ کی زِپ کھولنا ہراسگی میں شمار نہیں ہوتا۔ اس حوالے سے انڈیا کی سول سوسائٹی کے اراکین شدید غم وغصے کا اظہار کررہے ہیں۔

The honourable Bombay high court’s decision on that child molestation case needs to be revisited at the earliest. Something that does not even sound right, how can that be upheld. Groping is a an assault on a woman, imagine what it does to a child.

— Vikram Aggarwal (@vikramagg) January 25, 2021

انڈیا کی عدالتوں کے حالیہ فیصلوں کو مدنظر رکھتے ہوئے یہ کہا جاسکتا ہے کہ ریاست کے نازک امور پر انتہائی غیر سنجیدگی کا مظاہرہ کیا جارہا ہے۔