انڈیا میں کسانوں کے احتجاج پر مشہور شخصیات آمنے سامنے
جن فنکاروں نے ریحانہ کی حمایت کی انہیں ہیما مالنی سمیت دیگر نے تنقید کا نشانہ بنایا۔
![ریحانہ انڈین فنکار ناراض](https://news360.tv/wp-content/uploads/2021/02/کسان-فنکار.jpg)
انڈیا میں کسانوں کے احتجاج پر فنکار آمنے سامنے آگئے ہیں۔ امریکی گلوکارہ ریحانہ اور ماحولیاتی کارکن گریٹا تھنبرگ کی انڈین کسانوں کے حق میں ٹوئٹ کے بعد متعدد فنکار ناراض ہوگئے لیکن ابھے دیول سمیت مختلف اداکاروں نے حمایت بھی کی ہے۔
کسانوں کے ساتھ ہونے والے استحصال پر جب امریکی گلوکارہ ریحانہ اور ماحولیاتی تحفظ کے لیے سرگرم کارکن گریٹا تھنبرگ نے آواز بلند کی تو اداکاروں اور کھلاڑیوں سمیت متعدد انڈین فنکار ناراض ہوگئے۔ دوسری طرف چند مشہور شخصیات نے کہا کہ اس معاملے پر بات ہونی چاہیے۔ جن فنکاروں نے ریحانہ کی حمایت کی انہیں معروف اداکارہ ہیما مالنی سمیت دیگر نے تنقید کا نشانہ بنایا ۔
‘Im intrigued by foreign celebrities to whom our glorious country, India, is just a name they have heard, boldly making statements about our internal happenings and policies! Wonder what they are trying to achieve, and more imptly, who are they trying to please?’🤔
— Hema Malini (@dreamgirlhema) February 4, 2021
India’s sovereignty cannot be compromised. External forces can be spectators but not participants.
Indians know India and should decide for India. Let’s remain united as a nation.#IndiaTogether #IndiaAgainstPropaganda— Sachin Tendulkar (@sachin_rt) February 3, 2021
اب انڈین اداکار ابھے دیول بھی میدان میں آچکے ہیں۔ انہوں نے سوشل میڈیا پر کسانوں کے حق میں بولنے والے فنکاروں کی حمایت کردی۔ فوٹو شیئرنگ ایپ انسٹاگرام پر اداکارہ تاپسی پنوں کی ٹوئٹ شیئر کی۔ تبصرے میں ریحانہ سمیت اداکارہ سوارا بھاسکر اور تاپسی پنوں کو ٹیگ کیا۔
View this post on Instagram
یہ بھی پڑھیے
کیا کنگنا رناوت ہر ایک کو جواب دیں گی؟
سوارا بھاسکر نے سماجی رابطوں کی ویب سائٹ ٹوئٹر پر گریٹا کے کسانوں کے ساتھ یکجہتی کے ٹوئٹ کو کوٹ ٹوئٹ کیا تھا۔
❤️💜❤️ You go girl! 👏🏽👏🏽👏🏽👏🏽 https://t.co/TrtvU2Ybbm
— Swara Bhasker (@ReallySwara) February 4, 2021
امریکی گلوکارہ ریحانہ نے ٹوئٹ میں انڈین کسانوں کے استحصال کی خبر شیئر کرتے ہوئے تبصرے میں سوال کیا تھا کہ کوئی اس بارے میں بات کیوں نہیں کررہا؟
why aren’t we talking about this?! #FarmersProtest https://t.co/obmIlXhK9S
— Rihanna (@rihanna) February 2, 2021
یہاں یہ بات قابل ذکر ہے کہ پنجابی گلوکار دلجیت دوسانج نے ریحانہ کے ٹوئٹ کے 24 گھنٹوں بعد ہی انہیں خراج تحسین پیش کرتے ہوئے گانا ریلیز کردیا تھا۔
انڈیا کی حکومت کے لائے گئے نئے زرعی قوانین 85 فیصد غریب کسانوں کے خلاف جاتے ہیں۔ اسی وجہ سے ریاست پنجاب اور ہریانہ کے کسان تقریباً 4 ماہ سے احتجاج کررہے ہیں۔