انڈیا میں 2 چوٹی کے میگزینز کی وزیراعظم نریندرہ مودی پر تنقید

انڈیا کے 2 معروف میگزینز فرنٹ لائن اور آؤٹ لک نے کرونا کی وباء کی خطرناک صورتحال سے غلط طریقے سے نمٹنے پر وزیراعظم نریندرہ مودی پر سخت تنقید کی ہے۔

انڈیا کے ذرائع ابلاغ عام طور پر حکومتی کارکردگی پر تنقید کرنے سے گریز کرتے ہیں۔ لیکن کرونا کی خطرناک صورتحال میں جب چاروں اطراف لوگ اس وباء سے لڑتے ہوئے مر رہے ہیں تو آؤٹ لک اور فرنٹ لائن میگزینز نے اپنے سرورق پر ایسی تصاویر شائع کی ہیں جو وزیراعظم نریندرہ مودی کے دعووں کی کھلی نفی کررہی ہیں۔

یہ بھی پڑھیے

جڑواں بھائی کرونا سے ایک ساتھ ہی چل بسے

انڈین میگزین آؤٹ لک نے اپنے سفید سرورق پر گمشدگی کا پوسٹر شائع کیا ہے۔ سرورق میں 7 سالہ انڈین حکومت لاپتہ قرار دیا گیا ہے اور لکھا گیا ہے کہ جس کسی کو بھی ملے انڈیا کے شہریوں کو مطلع کیا جائے۔

Outlook cover this week. Where is Narendra Modi pic.twitter.com/ECiQuFMRlA

— Rana Ayyub (@RanaAyyub) May 13, 2021

تاہم آؤٹ لک کے آن لائن ایڈیشن کے سرورق پر یہ گمشدگی کا پوسٹر شائع نہیں کیا گیا ہے۔

دوسری جانب فرنٹ لائن میگزین نے اپنے جون کے شمارے کے سرورق پر نریندرہ مودی کے لیے ’بنگلنگ بگ ٹائم‘ کے الفاظ استعمال کیے ہیں۔ انڈیا کے 15 روزہ میگزین نے اپنی دھیمے انداز کی پالیسی کو ترک کرتے ہوئے نریندرہ مودی پر تنقید کی ہے۔

More glory to Narendra Modi : Cover page of FRONTLINE pic.twitter.com/OYjmEe4ud0

— Vinod Kapri (@vinodkapri) May 17, 2021

انڈیا میں کرونا کی وباء کی دوسری لہر میں جہاں لاکھوں جانوں کا ضیاع ہوا ہے وہیں ملکی معیشت کو بھی شدید دھچکا لگا ہے۔ ایک طرف کرونا کی وباء نے صحت عامہ کے طویل مدتی نظام میں موجود کمزوریوں کو بے نقاب کیا ہے تو دوسری جانب ایک مضبوط اور فیصلہ کن کردار ادا کرنے والے وزیراعظم نریندرہ مودی کی شبیہہ کے کھوکھلے پن کو بھی بے نقاب کردیا ہے۔

فرنٹ لائن میگزین کے مطابق انڈین وزیراعظم نریندرہ مودی نے ملک میں کرونا کی خطرناک صورتحال میں صحت کے بجائے سیاست کو ترجیح دی ہے۔ یہ واحد موقع ہے کہ انڈین ذرائع ابلاغ وزیراعظم نریندرہ مودی کی پالیسیز پر تنقید کررہے ہیں اور اس مرتبہ تو انڈین میگزینز نے اپنے سرورق پر تصاویر شائع کر کے ان پر کھلی تنقید کی ہے۔