ایلون مسک نے امریکی صدر کی غلط فہمی دور کردی
بائیڈن کی غلطی یہ ہے کہ وہ سمجھتے ہیں کہ انہیں ملک کو تبدیل کرنے کے لیے منتخب کیا گیا ہے ، لیکن درحقیقت ہر کوئی ڈرامہ چاہتا تھا کہ ڈرامہ کم ہوجائے، ایلون مسک
دنیا کی امیر ترین شخصیت ایلون مسک نے سماجی رابطے کی ویب سائٹ ٹوئٹر کیا خریدی امریکی حکومت کے ساتھ ان کا تناؤ بڑھ گیا۔
امریکی سیکیورٹی ایکسچینج کمیشن کی جانب سے مسک کیخلاف کاروباری بے ضابطگی کی تحقیقات کے آغاز کے ساتھ ہی ایلون مسک نے امریکی صدر کو نشانے پر رکھ لیا۔
یہ بھی پڑھیے
ایلون مسک ٹوئٹر خریدنے کے بعد امریکی اداروں کے ریڈار پر آگئے
کیا ایلون مسک کی زندگی خطرے میں ہے؟
مسک نے گزشتہ روز اپنے ٹوئٹ میں امریکی صدر کو براہ راست تنقید کا نشانہ بناتے ہوئے لکھا کہ بائیڈن کی غلطی یہ ہے کہ وہ سمجھتے ہیں کہ انہیں ملک کو تبدیل کرنے کے لیے منتخب کیا گیا ہے ، لیکن درحقیقت ہر کوئی ڈرامہ چاہتا تھا کہ ڈرامہ کم ہوجائے۔
Biden’s mistake is that he thinks he was elected to transform the country, but actually everyone just wanted less drama
— Elon Musk (@elonmusk) May 12, 2022
یاد رہے کہ دو روز قبل ہی امریکی ادارے سیکیورٹی ایکسچینج کمیشن نے شیئر ہولڈرز کی تفصیلات ظاہر کرنے میں تاخیر پر مسک کیخلاف کاروباری بے ضابطگی کی تحقیقات کا آغاز کیا ہے۔ مسک پر شیئر ہولڈر کی تفصیلات ظاہر کرنے میں تاخیر کرکے143ملین ڈالر بچانے کاالزام ہے۔
