واسع چوہدری نے پنجاب سنسر بورڈ سے سبکدوشی کے بعد اپنا حساب پیش کردیا
بطور وائس چیئرمین میرا دو 8فلموں کے جائزے، 4 کپ کافی، ایک پاپ کارن، ایک پیکٹ چپس کھانے اور پانی کی 3 بوتلیں پینے، 7 فلموں کی منظوری اور ایک پر پابندی کے بعد اختتام کو پہنچا، پورے عرصے اپنی گاڑی استعمال کی، ایک پیسہ نہیں لیا، اداکار
پنجاب حکومت کی تحلیل کے بعد فلم سنسر بورڈپنجاب بھی تحلیل ہوگیا۔یوں فلم سنسر بورڈ پنجاب کے وائس چیئرمین، اداکار و میزبان واسع چوہدری بھی اپنے عہدےسے سبکدوش ہوگئے۔
واسع چوہدری نے اپنے عہدے سے سبکدوشی کےاپنی کاکردگی کا احوال بھی بیان کردیا ہے۔
یہ بھی پڑھیے
عشنا شاہ کو مشکل حالت میں ترانہ گانے سے بیزاری کا اظہار مہنگا پڑگیا
حمزہ فردوس نے فیروز خان کے دفاع کیلیے انوکھی منطق پیش کردی
واسع چوہدری نے ٹوئٹ میں لکھا کہ”پنجاب فلم سنسر بورڈ کے حالیہ ڈی نوٹیفکیشن کے بعد بطوروائس چیئرمین میرا دور 8 فلموں کے جائزے، 4 کپ کافی، ایک پاپ کارن ، ایک پیکٹ چپس کھانے اور پانی کی3 بوتلیں پینے،7 فلموں کی کٹوتیوں کے ساتھ منظوری اور ایک فلم پر پابندی(یہ ایک ای گریڈ کی ہالی ووڈ فلم تھی) کے ساتھ اختتام کوپہنچا“۔
After the recent denotification of the Punjab film censor board,my tenure as the Vice chairman ends with viewing 8 films,consuming 4 cups of coffee,1 popcorn,1 pack of chips,3 water bottles,passing 7 films with cuts and banning 1(it was an E grade Hollywood film).
— vasay chaudhry (@vasaych) January 29, 2023
واسع چوہدری نے مزید کہاکہ”اس تمام عرصے میں ، میں نے ذاتی گاڑی استعمال کی اور فلموں کیلیے ایک پیسہ بھی نہیں لیا، میں بورڈ کے ساتھی ارکان سمیت ہر ایک کا شکرگزار ہوں جنہوں نے خدمت کے اس موقع سے عہدہ برآ ہونے میں میری مدد کی“۔
Strong implementation of piracy laws in cinemas and increasing the inspection force of censor board will be reviewed by the incoming board. Best of luck to the new board 👍
— vasay chaudhry (@vasaych) January 29, 2023
انہوں نے کہاکہ”مجھے امید ہے کہ فلم گریڈنگ سسٹم کی ازسرنو جانچ، سینما گھروں میں پائریسی کے قوانین پر سختی سے عمل درآمد اور سنسر بورڈ کی انسپکشن فورس میں اضافے کے حوالے سے میری سفارشات کا آنے والا بورڈ جائزہ لے گا“۔انہوں نے نئے بورڈ کے لیے نیک خواہشات کا اظہار بھی کیا۔
