پی ایس ایل 8: لاہور قلندرز کا فاتحانہ آغاز، ملتان سلطانز کو ایک رنز سے شکست

ایچ بی ایل پی ایس ایل 8 کے افتتاحی میچ میں دفاعی چیمپئن لاہور قلندرز نے سنسنی خیز مقابلے کے بعد ملتان سلطانز کو ایک رنز سے شکست دے دی۔ 

ملتان سلطانز  کی ٹیم 176 رنز کے ہدف کے تعاقب میں مقررہ 20 اوورز میں 6 وکٹوں پر 174 رنز  بناسکی، کپتان محمد رضوان 75 رنز بناکر نمایاں رہے۔ نصف سنچری اسکور کرنے والے فخر زمان  پلیئر آف دی میچ قرار پائے۔

یہ بھی پڑھیے

پی ایس ایل 8 کا ہنگامہ؛ 2016 سے 2022 تک کی فاتح ٹیموں کی داستان

 سب ستارے ہمارے : پی ایس ایل 2023 کا آفیشل ترانہ جاری

ملتان کرکٹ اسٹیڈیم میں کھیلے  گئے پہلے میچ میں ملتان سلطانز کے کپتان محمد رضوان نے ٹاس جیت کر بولنگ کا فیصلہ کیا ۔  لاہور قلندرز کی جانب سے فخر زمان اور طاہر بیگ نے اننگز کا پراعتمادآغاز کیااور پہلی وکٹ کی شراکت میں  61 رنز بنائے جس کے بعد  طاہر بیگ 32 رنز کے انفرادی اسکور پر  آؤٹ ہو گئے۔

Are you not entertained?! 🤩

 

Death overs masterclass from @lahoreqalandars ends @MultanSultans unbeaten run at home 👏#HBLPSL8 | #SabSitarayHumaray | #MSvLQ pic.twitter.com/y5swZR3423

— PakistanSuperLeague (@thePSLt20) February 13, 2023

فخر زمان نے شاندار بلے بازی کا مظاہرہ کرتے ہوئے ٹورنامنٹ کی پہلی ففٹی اسکور کی اور وہ 66 رنز بنا کر اسامہ میر کا شکار بنے جبکہ شائی ہوپ 19 اور کامران غلام 3 رنز بنا کر آؤٹ ہوئے۔

حسین طلعت 20 رنز بنا کرپویلین لوٹے جبکہ سکندر رضا 19 رنز بنا کر ناٹ آؤٹ رہے۔ لاہور کی ٹیم مقررہ 20 اوورز میں 6 وکٹوں کے نقصان پر 175 رنز بنا سکی۔

ملتان سلطانز کی جانب سے اسامہ میر اور احسان اللہ نے دو دو کھلاڑیوں کو آؤٹ کیا جبکہ عقیل حسین اور شاہنواز دھانی کے حصے میں ایک ایک وکٹ آئی۔

ملتان سلطانز نے 176 رنز کے ہدف کے تعاقب میں شاندار آغاز کیا اور پہلی وکٹ کی شراکت میں 100بنائے جس کے بعد شان مسعود35 رنز کے انفرادی اسکور پر پویلین لوٹ گئے۔

محمد رضوان نے ذمہ دارانہ بیٹنگ کا سلسلہ جاری رکھتے ہوئے اپنی ففٹی مکمل کی لیکن پھر وہ 75 رنز بنا کر شاہین شاہ آفریدی کی گیند پر بولڈ ہوگئے۔ رضوان کے آؤٹ ہونے کے بعد ڈیوڈ ملر 20 گیندوں پر 25 رنز بناکر پویلین لوٹے جبکہ پولارڈ بھی 12 گیندوں پر 20 رنز بناکر ٹیم کا ساتھ چھوڑ گئے تاہم میچ کے اختتامی مراحل میں خوشدل شاہ نے کچھ مزاحمت کی۔

Nerves of steel 🌟

 

A fitting final over to a dramatic #HBLPSL8 opener!#SabSitarayHumaray | #MSvLQ pic.twitter.com/vRCPWnF3AH

— PakistanSuperLeague (@thePSLt20) February 13, 2023

ہدف کے تعاقب میں ملتان سلطانز کو آخری اوور میں 15 جبکہ آخری گیند پر 6 رنز درکار تھے، خوشدل شاہ نے زمان خان کی گیند پر شاٹ مارا لیکن وہ چوکا ہوگیا، یوں قلندرز نے سلطانز کو سنسنی خیز مقابلے کے بعد ایک رنز سے شکست دے کر ٹورنامنٹ میں فاتحانہ آغاز کردیا۔

A brilliant 6️⃣6️⃣ to get @lahoreqalandars to an imposing total ⚡@FakharZamanLive is the player of the match 🏆#HBLPSL8 | #SabSitarayHumaray | #MSvLQ pic.twitter.com/EboHHnVTqq

— PakistanSuperLeague (@thePSLt20) February 13, 2023

لاہور قلندرز کی جانب سے شاہین، حارث، زمان اورحسین طلعت نے ایک ، ایک وکٹ حاصل کی۔