قمر جاوید باجوہ نے صحافی شاہد میتلا کے انٹرویو کی تردید کردی

معروف صحافی اور اینکر پرسن کامران شاہد نے شاہد میتلا کے دعوے کی تردید میں جنرل باجوہ کا بیان سوشل میڈیا پر بیان شیئر کیا ہے۔

ویب ڈیسک25 مارچ 2023

سابق آرمی چیف جنرل (ر) قمر جاوید باجوہ نے کہا ہے کہ انہوں نے کسی کو کوئی انٹرویو نہیں دیا اور جو لوگ یہ دعویٰ کررہے ہیں انہیں قانونی کارروائی کا سامنا کرنا پڑے گا۔

تفصیلات کے مطابق حال ہی میں معروف صحافی شاہد میتلا کی جانب سے سابق آرمی چیف جنرل باجوہ کا انٹرویو کرنے کا دعویٰ سامنے آیا تھا تاہم سابق آرمی چیف جنرل (ر) قمر جاوید باجوہ نے انٹرویو کے دعوے کو جھوٹا قرار دے دیاہے۔

یہ بھی پڑھیے

سپریم جوڈیشل کونسل : جسٹس مظاہر نقوی پر الزامات عائد کرنے والے وکیل سے حلف نامہ طلب

تحریک انصاف کا مینار پاکستان جلسہ: لاہور کے داخلی اور خارجہ راستے سیل

سینئر صحافی اور معروف اینکر پرسن کامران شاہد نے شاہد میتلا کے دعوے پر سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ "سابق آرمی چیف جنرل باجوہ نے ابھی میرے ساتھ مندرجہ ذیل بیان شیئر کیا ہے "میں نے کسی ادارے کو کوئی انٹرویو نہیں دیا، مجھے 29 نومبر 2024 تک کوئی بیان، تبصرہ یا انٹرویو دینے کی اجازت نہیں ہے۔”

Ex COAS Generel Bajwa has just shared with me the following statement “I did not give any interview to any body, I am not allowed to give any statement, comment or interview till 29 Nov 2024…”

— Kamran Shahid (@FrontlineKamran) March 24, 2023

اینکر پرسن کامران شاہد نے مزید لکھا ہے کہ "یہ میرے لیے بہت آسان تھا کہ میں باجوہ صاحب کو فون کروں کیونکہ لوگ بہت پریشان ہورہے ہیں۔ میں نے ان سے پوچھا کہ اگر وہ انٹرویو دے رہے ہیں تو کیا میں بھی ان کا انٹرویو لے سکتا ہوں! جس پر انہوں نے کہا کہ میں نے کسی کو انٹرویو نہیں دیا – اس لیے میں نے اس کا ورژن ٹویٹ کیا ہے۔ اس میں کیا بڑی بات ہے!”

People are getting over anxious — it’s very simple I called Bajwa sb and asked that if he is giving interviews then can I also have his interview ! Upon which he said that he has not given interview to any one — so I have tweeted his version as it is .. What a big deal !

— Kamran Shahid (@FrontlineKamran) March 24, 2023

واضح رہے کہ گذشتہ روز معروف صحافی شاہد میتلا نے سماجی رابطوں کی ویب سائٹ ٹوئٹر پر پیغام شیئر کرتے ہوئے دعویٰ کیا تھا کہ انہوں نے سابق آرمی چیف جنرل (ر) قمر جاوید باجوہ کے انٹرویو کا دوسرا حصہ جاری کردیا ہے۔