ہالی ووڈ اداکاروں کی کیپیٹل ہل حملے کی مذمت

امریکی کانگریس کی عمارت پر حملے نے جاتے جاتے صدر ٹرمپ کی ساکھ کو نقصان پہنچایا۔ ہالی ووڈ اداکاروں نے بھی واقعے کی شدید مذمت کی۔

امریکا کی تاریخ میں جو پہلے کبھی نا ہوا وہ صدر ٹرمپ کے دور حکومت میں ہوگیا۔ امریکی صدر ڈونلڈ ٹرمپ کے حامیوں کی بڑی تعداد واشنگٹن میں واقع کیپیٹل ہل کی عمارت کے اندر گھس گئی۔ جھڑپ میں ایک خاتون سمیت 4 افراد مارے گئے۔

ہالی ووڈ کے فنکاروں نے واقعے کی شدید مذمت کی ہے۔ اداکار کرس ایونز نے سماجی رابطوں کی ویب سائٹ ٹوئٹر پراپنے پیغام میں کہا کہ اگر احتجاج کرنے والے سیاہ فام ہوتے تو صورتحال بالکل مختلف ہوتی۔

Just think of the carnage had they not been white.

— Chris Evans (@ChrisEvans) January 6, 2021

یہاں یہ بات قابل ذکر ہے کہ امریکی صدر ڈونلڈ ٹرمپ کے دورحکومت میں امریکی پولیس کے ہاتھوں کئی سیاہ فام شہریوں کو موت کے گھاٹ اتارا گیا اوراحتجاج کرنے والے اُن کے لواحقین پربہیمانہ تشدد کا نشانہ بنایا گیا۔

سال 2014 میں پولیس کے ہاتھوں ایرک گارنر کی ہلاکت کے بعد احتجاج نے شدت اختیار کی اور ‘بلیک لائف میٹرز’ نامی تحریک کی شروعات ہوئی۔ ہالی ووڈ کے متعدد فنکار اس تنظیم کے حامیوں میں شامل ہیں۔

امریکی اداکار مارک روفالو نے ٹوئٹ کیا کہ ایک لمحے کے لیے سوچیں کہ اگر ان مظاہرین کی جگہ کوئی اور ہوتا تو سڑکیں اور گلیاں خون سے رنگی ہوتیں۔

Imagine if this was our side. There would be rivers of our blood in the streets and not a single one of us would be armed. This has been allowed. #CoupAttempt

— Mark Ruffalo (@MarkRuffalo) January 6, 2021

کامیڈین ساچا بیرن کوہن نے ٹرمپ کو فیس بک سمیت تمام سوشل میڈیا پلیٹ فارمز سے بلاک کرنے کی درخواست کی۔

یہ بھی پڑھیے

ڈونلڈ ٹرمپ نے جاتے جاتے امریکی جمہوریت کی چولیں ہلادیں

Hey Mark Zuckerberg, @jack, @SusanWojcicki and @sundarpichai — Donald Trump just incited a violent attack on American democracy.

Is that FINALLY enough for you to act?!

It’s time to ban Donald Trump from your platforms once and for all! pic.twitter.com/4oWoiMu0eC

— Sacha Baron Cohen (@SachaBaronCohen) January 6, 2021